Android рақиби – Ark OS (ёки HongMeng) тизимли Huawei Mate 30 флагманлари 22 сентябрдаёқ чиқади!
АҚШ ҳукуматининг санкциялари сабабли кўплаб компаниялар Huawei билан ҳамкорликни тўхтатди. Гарчи смартфонлари Android тизимидан, ўзининг Kirin процессорларидан, хотира чипларидан ажраладиган бўлиб турган эса-да, хитойлик техногигант бу муаммоларни аввалдан пайқаган ва чораларини кўриб қўйган.
ЎҚИНГ: Huawei аллақачон ўз операцион тизимини рўйхатдан ўтказди: у Hongmeng эмас, Ark OS экан!
Huawei компанияси ўз анъанасига кўра, Mate 30 ҳамда Mate 30 Pro флагманларини бу йил кузда тақдим этиши кутилмоқда. Мазкур смартфонларга оид янги маълумотларни Teme никли инсайдер бугун – 3 июнь куни Twitter тармоғида эълон қилди.
Huawei's next flagship Mate 30 series will be released on 22 September or close that with new Kirin 985 and HongMeng OS (in China). Globally this is open which OS these are coming.#Huawei #HuaweiMate30 pic.twitter.com/Fq3FtQLTHB
— Teme (特米) (@RODENT950) 2 июня 2019 г.
Шунингдек, инсайдер Mate 30 ҳамда Mate 30 Pro флагманлари Хитойнинг ўзида HongMeng OS (ёки Ark OS) операцион тизими билан тақдим этилади. Бироқ Huawei’нинг бу гаджетлари глобал бозорга қайси операцион тизим билан чиқиши (ҳатто умуман чиқиш-чиқмаслиги) ҳозирча сўроқ остида турибди.
ЎҚИНГ: Санкциялар ўз йўлига: Huawei ҳамёнбоп Nova 5i смартфонини тақдим этяпти!
Teme эълон қилган маълумотга қараганда, Mate 30 флагманлари Huawei’нинг энг янги (ҳали тақдим этилмаган) процессори – HiSilicon Kirin 985 базасида ишлайди. Мазкур чипсетни Тайваннинг TSMC компанияси тайёрлаб беради – америкаликлардан фарқли равишда, у хитойлик гигант билан ҳамкорликни тўхтатмаган.
Айтиш керакки, янги серияга Mate 30 ҳамда Mate 30 Pro смартфонлари киради. Булардан биринчиси ҳақида ҳозирча бирор маълумот йўқ, иккинчиси – Pro-версиясининг айрим техник жиҳатлари хусусида инсайдерлар маълумот беришган. Яъни, унга BOE компаниясининг 6.71 дюймлик OLED-дисплей ўрнатилади, 4200 мА/соатлик аккумулятори 55 ваттлик технология асосида тезкор қувватлана олади. Шунингдек, унинг махсус – 5G тармоғини қўллаб-қувватловчи версияси ҳам бўлади.
Teme тахминига кўра, ушбу флагманлар 22 сентябрь куни, янги операцион тизим билан бирга расман намойиш этилади. Ҳозиргача глобал бозорга чиққан айрим Huawei смартфонларини эса аллақачон 845 000 сўмдан бошланган нархларда Terashop.uz интернет-дўконимиздан сотиб олиш мумкин.
ЎҚИНГ: Terashop.uz’да барча Huawei смартфонлари арзонлашди, нархлари билан танишинг! (2019 йил 18 май)
