Android смартфонлар учун навбатдаги ширинлик - "Тескари торт"ни тайёрлаш кейинги йилдан бошланади

Android смартфонлар учун навбатдаги ширинлик -

Pixel смартфонлари учун Android 13 нинг барқарор версиясини чиқариш билан Google унинг бета дастурини 2022 йилнинг август ойида якунлаганини эълон қилди. Эндиликда Android Beta саҳифасида улашилган маълумотларга кўра, Google сентабр ойидан бошлаб Android 13 чораклик платформа бета янгиланишларини (QPR) чиқаришни бошлайди ва у 2023 йилнинг март ойигача давом этади. Шундан сўнг навбатдаги катта Android янгиланиши, Android 14 нинг бета синовлари бошланиши расман маълум қилинган. Айтиш мумкинки, биз Android 14 нинг дастурчилар учун превюсини феврал ойидан, илк бета синовларини эса март-апрел ойидан бошлаб кўришимиз мумкин бўлади. 

Google бундан аввал Android 13 QPR янгиланишларини 2023 йил июнигача давом этишини маълум қилган эди. Бироқ, кейинги ўзгаришларга қараганда компания бир вақтнинг ўзида иккита бета дастурини ишга туширишдан қочаётган кўринади. 

Android 14 ҳақида ҳозирча бирон нима дейиш қийин, лекин унинг код номи "Upside-down cake" (Тескари торт) эканлиги аллақачон маълум бўлган.

ЎҚИНГ: iPhone 14 Pro неча ватт тезликда зарядланиши маълум бўлди

Сайт янгиликларидан доимий хабардор бўлиш учун Телеграм каналимизга қўшилинг!