Android-смартфонларнинг янги «қирол»ини қарши олинг – у AnTuTu’да мутлақ рекорд ўрнатди!

  •   DiMaX
  •  3264
  •  27.11.2018 18:51

Android-смартфонларнинг янги «қирол»ини қарши олинг – у AnTuTu’да мутлақ рекорд ўрнатди!

AnTuTu бенчмаркида шу кунларда «Beyond 2» кодли номи остида текшириб кўрилганлиги ҳақида маълумот пайдо бўлди. Бу жанубий кореялик техногигантнинг ҳали 2019 йилда тақдим этиладиган Galaxy S10 Plus флагманидир.

ЎҚИНГ: Муҳим технологиядан маҳрум этилаётган Galaxy S10 дизайнини расмий прошивка «сотиб қўйди»

Бенчмаркда мазкур смартфон нақ 325076 балл олишга муваффақ бўлди – бу эса барча Android-қурилмалар кўрсатган энг юксак натижадир! Бунгача энг юқори самарадорликка эга Huawei Mate 20, Mate 20 Pro ва Mate 20X моделлари эса AnTuTu’да 300 минг баллдан ошиқроқ кўрсаткич намоён этган.

Айтиш керакки, Galaxy S10 Plus моделининг «электрон юраги» – Samsung’нинг яқинда расман тақдим этилган Exynos 9820 процессоридир. Мазкур чипсет 2,7 гигагерцлик такт частотасида ишлайди ва Mali-G76 график чипини ҳам ўз ичига олади. AnTuTu’да текшириб кўрилган смартфоннинг тезкор хотираси 6 гигабайт, доимий хотираси эса 128 гигабайт ҳажмга эга. Демак, бу ҳали ҳолваси, зеро, ушбу гаджетнинг илғор версиялари 12 гигабайтлик «оперативка»га эга!

ЎҚИНГ: Экрани «тирқиш»ли Galaxy S10 яна икки жиҳатига кўра рекорд ўрнатяпти!

AnTuTu’да сақланиб қолган маълумотга кўра, Galaxy S10 Plus дисплейи диагоналига 6,44 дюймлик ўлчамга ҳамда 2280x1080 пикселлик тасвир аниқлигига эга. Кутилганидек, смартфон энг сўнгги – Android Pie операцион тизим талқини бошқаруви остида ишлайди.

Шу пайтгача тарқалган хабарларга кўра, S10 Plus асосий камераси учта объективни ўз ичига олади. Унинг чеккалари қайрилган дисплейида эса селфи-камера учун «тешик» очилган.

Бу смартфоннинг 5G-версияси келаси йилнинг март ойида қиммат нархда чиқарилади, бошқаларининг нархи эса 750 доллардан бошланади. Samsung’нинг шу пайтгача тақдим этган турли русумлардаги смартфонларини Terashop.uz интернет дўконимизда 899 000 сўмдан бошланган нархларда харид қилиш мумкин.

ЎҚИНГ: Чегирмали Samsung смартфонларининг Terashop.uz’даги нархлари (2018 йил 21 ноябрь) – харидингиз Ўзбекистон бўйлаб бепул етказилади!

Сайтимизнинг энг чиройли расмларини Инстаграмдаги саҳифамизда томоша қилинг!