Android учун «реактив» Firefox Lite 2.0 браузери чиқди
Mozilla компанияси Android-қурилмалар учун енгиллаштирилган Firefox Rocket версиясини тақдим этган эди. Кейинроқ унинг номини Firefox Lite’га ўзгартирди ва энди янги талқинда фойдаланишга топширди.
ЎҚИНГ: Ҳамёнбоп смартфонлар учун иккита енгил Android-браузер
Айтиш керакки, ушбу мобил браузер оддий версияда мавжуд бўлмаган бир қатор эксклюзив функцияларга эга. Жумладан, унда фойдаланувчини қизиқтираётган товарни Google, Amazon ёки eBay’дан излаш тугмачаси мавжуд.
Мазкур браузер Chromium кодига асосланган ва бир қатор ишланмаларни ўз ичига олган. Turbo режими, рекламаларни блоклаш ҳамда веб-саҳифани варақлаш йўли билан яхлит саҳифадан скриншот олиш кабилар фойдаланувчига жуда маъқул келади.
ЎҚИНГ: Мусулмонларга мўлжалланган энг қулай браузер билан танишинг!
Firefox Lite 2.0 браузерининг ўзига яна катта миқдордаги контент интеграция қилинган. Шунингдек, дастурчилар унга янада кўпроқ мини-ўйинлар ва янгиликлар манбаларини қўшишган.
Mozilla мазкур браузерини Google Play орқали ҳозирча фақат Индонезия, Филиппин, Ҳиндистон, Хитой ва Таиланд учун тақдим этган. Бошқа ҳудудлардаги фойдаланувчилар қатори сиз ҳам Firefox Lite 2.0 браузерининг APK-файлини мана бу ҳавола орқали APK Mirror ресурсидан юклаб олишингиз ва мустақил ўрнатишингиз мумкин.
