Android'га асосланган қайси фойдаланувчи интерфейси энг яхши?

Android'га асосланган қайси фойдаланувчи интерфейси энг яхши?

Смартфоннинг техник хусусиятлари қанчалик яхши бўлса ҳам, унинг фойдаланувчи интерфейси равон ишламаслиги фойдаланувчининг кўнглини хира қилади. Ҳозирда Хитойнинг кўплаб смартфон ишлаб чиқарувчилари, ўз қурилмалари учун Android операцион тизимига асосланган қобиқларига эга. Хўш, уларнинг қайси бирлари "сарёқ кесгандек силлиқ" ишлайди? AnTuTu ва Geekbench каби смартфонлар учун синов дастури бўлган Master Lu иловаси 2022 йил биринчи чорагига кўра мобил смартфонлар UI силлиқлиги рейтингини эълон қилди. Ушбу рейтинг маълумотлари 2022 йил 1 январдан 2022 йил 31 мартгача мавжуд бўлган смартфонлардан олинган бўлиб, унда фақат Android 10.0 ёки ундан юқори версиядаги смартфонларни тест қилиган.

Рўйхатдан кўриш мумкинки, MIUI биринчи ўринни қўлга киритган, иккинчи ўринда эса MIUIнинг кўпроқ гейминг учун мўлжалланган, BlackShark смартфонларига чиқарилган JOYUI қобиғи бўлиб, бу иккала UI ҳам Xiaomi томонидан яратилган. MIUI равонлиги ўртача 207,06 балл, JOYUI эса 204,62 балл олган. Учинчи ўринни Nubia гейминг брендининг REDMAGIC OS тизими ўртача 203,93 балл билан эгаллаган.

Хитойнинг энг тез ўсаётган смартфон брендларидан бири realme'нинг realmeUI қобиғи 203.57 бал билан тўртинчи ўринни қўлга киритган. Oppo'нинг ColorOS тизими эса 198.11 балл билан топ бешликни якунлайди.

Рўйхатдаги қолган беш ўринни мос равишда OnePlus ColorOS, Honor Magic UI, Motorola MYUI, Vivo OriginOS ва ASUS ROG UI қобиқлари эгаллаган.

ЎҚИНГ: Samsung тез орада One UI 5.0 синовини бошлайди

Сайтимизнинг энг чиройли расмларини Инстаграмдаги саҳифамизда томоша қилинг!