AnTuTu 2017 йилнинг энг оммалашган смартфонларини эълон қилди

AnTuTu 2017 йилнинг энг оммалашган смартфонларини эълон қилди

Анъанага кўра, таниқли AnTuTu бенчмарки мутахассислари 2017 йилда энг яхши сотилган ва оммалашган смартфонлар рейтингини эълон қилишди. "ТОП 10" таликдаги мобил алоқа воситалари рўйхати бенчмарк иловасидан фойдаланувчи смартфон эгаларининг овозларига кўра шакллантирилган.

1-ўрин: OnePlus 5

Корпус қалинлиги 7,25 мм бўлган бу девайс "жаҳоннинг энг юпқа смартфони" деган номга даъвогар.

2017 йилнинг 20 июнида тақдим қилинган. 5.5 дюймли FHD (1080 × 1920 пикселли) экран 2.5D эффектига эга Gorilla Glass 5 қайрилма ҳимоя шишаси билан қопланган. Экран Optic AMOLED технологиясида ишлайди.

Гаджет 64 битли ва 8 ядроли, 2.45 Ггц частота тезлигида ишлайдиган, 1 кристалли илғор Snapdragon 835 процессори билан таъминланган. Смартфоннинг график-тасвирларини қайта ишлаш Adreno 540 видеокартаси зиммасига тушади. Ишлаб чиқарувчининг айтишича, OnePlus 5 Android смартфонлар орасида энг тезкор ишлайдиган гаджет.

Гаджетнинг бош камера модулларидан бири Sony IMX398 сенсори бўлиб, у 16 мегапикселли ва оптик линзасининг ҳажми — f/1.7.

Шунингдек, қўш сенсорларнинг иккинчисига Sony IMX 398 модули ўрнатилган. У телефото линзаси бўлиб, f/2.6 стандартидаги апертурага эга ҳамда 20 мегапикселли суратлар олади. Бу линза манзарани 2 карралик яқинлаштириш функциясига эга. Қўш камераларда кенг бурчакли суратлар олиш режими, автофокус ҳамда барқарорлаштириш функциялари мавжуд. Бош камерада орқа фонни хиралаштириб суратга олиш мумкин.

OnePlus 5’нинг олд камераси учун 16 МП ва f/2.0 апертурали, барқарорлаштириш функциясига эга селфи-камераси танланган.

OnePlus 5 Ўзбекистон смартфон бозорида 500 АҚШ долларидан бошлаб сотилмоқда.

Қуйида мазкур рейтингга киритилган смартфонлар тўғрисида батафсил маълумот олинг. 

2-ўрин: OnePlus 3

3-ўрин: Meizu Pro 6 Plus

4-ўрин: OnePlus 3T

5-ўрин: Xiaomi Mi Max

6-ўрин: Samsung Galaxy S8

7-ўрин: Xiaomi Redmi Note 3

8-ўрин: Samsung Galaxy S8+

9-ўрин: Xiaomi Mi6

10-ўрин: Xiaomi Redmi 4

Таъкидлаб ўтиш керакки, AnTuTu – асосан Хитойда оммалашган ва шу боис ҳам бу ресурсда асосан Хитой смартфонлари синовдан ўтказилади.

Сайт янгиликларидан доимий хабардор бўлиш учун Телеграм каналимизга қўшилинг!