AnTuTu: Энг кучли смартфонлар сафига бу гал арзон моделлар ҳам кирди! (2019 йил, август)
Бенчмарк хизматларини кўрсатувчи хитойлик машҳур компания ўзининг янги рейтингини эълон қилди. Унда шу йилнинг август ойида тақдим этилган ва AnTuTu’да синаб кўрилган янги моделлар самарадорлиги баҳоланган.
ЎҚИНГ: Ўтган ҳафтада трендда бўлган топ 10 смартфон (ўттиз бешинчи ҳафта)
Унда ZTE корпорациясининг суббренди ишлаб чиққан, қўш экранли Nubia Z20 флагмани 450040 балл билан етакчилигини намоён этди. Иккинчи ўринни эса 449826 балл билан энг арзон 5G-смартфон – iQOO Pro 5G модели банд этган. Vivo компанияси яқиндагина намойиш этган ушбу флагманнинг биринчи партияси 1 сониядаёқ сотилиб кетган эди.
Кучли учликни Samsung Galaxy Note 10+ 5G якунлаб берган бўлса, унинг «оддий» версияси – Galaxy Note 10 тўртинчи ўринда. Жанубий кореяликларнинг ушбу икки модели AnTuTu рейтингида тегишлича 433667 ва 415680 баллик натижалар кўрсатишган.
ЎҚИНГ: Xiaomi Mi 9S – дунёдаги энг арзон 5G-смартфон ҳам тақдимотга тайёр!
Бешинчи ва олтинчи ўринларни Pioneer X1 (410137 балл) ҳамда Meizu 16s Pro (404099 балл) моделлари эгаллаган:
Энг қизиғи – ушбу рейтингда қимматбаҳо флагманлар билан бирга Xiaomi компаниясининг ҳамёнбоп маҳсулотларга ихтисослашган Redmi бренди яқинда намойиш қилган арзон смартфонлар ҳам бор. Ўйинбоп арзон камерофон Redmi Note 8 Pro бу тестда 235110 балл тўплаган. Унинг «ука»си – Redmi Note 8 бўлса 179892 балл билан рўйхатни якунлаб берган.
ЎҚИНГ: Xiaomi Mi 9S – дунёдаги энг арзон 5G-смартфон ҳам тақдимотга тайёр!
