AnTuTu энг қудратли флагманлар ТОП-ўнталигини эълон қилди (2020 йил апрель)
Ўрта нархли смартфонларнинг Хитойдаги эгалари AnTuTu сервисида амалга оширган текширувлари бўйича энг кучлилари рейтингини чиқарган эдик. Энди навбат ушбу бенчмарк дастурчилари эълон қилган энг зўр (нархидан қатъи назар) флагманлар рўйхатига келди.
ЎҚИНГ: Апрелда чиққан Android-смартфонлардан қайсилари энг зўр? (Master Lu рейтинги)
Март ойи рейтингида лидерликка эришган Oppo компаниясининг Find X2 Pro флагмани бу гал ҳам шоҳсупадан тушмаган – 607 147 балл. У билан бирга тақдим этилган «ини»си – OPPO Find X2 эса иккинчи ўриндан жой олган. Vivo компанияси яқинда намойиш қилган, энг зўр процессорли энг арзон 5G-флагман – iQOO Neo 3 5G смартфони кучли учликка кирди.
Xiaomi Mi 10 Pro бу гал тўртинчи ўрин билан чекланишга мажбур бўлди, корпорациянинг арзончи бренди флагмани – Redmi K30 Pro эса бешинчи поғонада. Улар орасида кўп томонлама рекордчи флагман – OPPO Ace 2 модели кириб олган бўлса, 6–10-ўринларни тегишлича iQOO 3, Realme X50 Pro 5G, Vivo NEX 3S 5G ҳамда Black Shark 3 Pro банд этган.
Таъкидлаш керакки, апрель ойидаги энг зўр флагманларнинг барчаси ҳозирда энг кучли Android-процессор – Qualcomm компаниясининг Snapdragon 865 платформаси базасида ишлайди. Жаҳондаги етакчилардан бири бўлмиш маҳаллий смартфонсоз – Huawei’нинг бирорта ҳам модели бу рўйхатга кирмагани ғалати.
ЎҚИНГ: Келажак флагманларининг процессори – Qualcomm Snapdragon 875 ҳақида илк маълумотлар чиқди!
