AnTuTu ҳақида нималарни биласиз?
AnTuTu (Хитойча: 安兔兔; пинйин: ĀnТùТu) хитойликлар томонидан ишлаб чиқилган эталон тест бўлиб, телефон ва бошқа қурилмаларни синовдан ўтказиб, уларни бошқа девайслар билан таққослаш учун кенг қўлланилинади.
| Барқарор релизи | v7.0/2018, февраль |
| Операцион тизимлар | Android, iOS, Windows |
| Платформаси | ARM, x86, x86-64, MIPS |
| Тили | инглиз |
| Тури | эталон тест |
| Web-сайти | antutu.com |
Ушбу синов дастури Пекиннинг Чаоянг туманида жойлашган компания томонидан яратилган бўлиб, бу компаниянинг ўзига хитойлик тадбиркорлар Шао Йинг ва Лианг Бинлар томонидан асос солинган.
AnTuTu тести шунчалик оммалашиб кетганидан, смартфон ва бошқа қурилмалар ишлаб чиқарувчилар синовларда ғирромлик қилишга ўтишган. Бу эса, табиийки, AnTuTu'нинг мавқеига путур етказиб, унга бўлган ишончнинг йўқолишига сабаб бўлган. Бунга жавобан, хитойликлар AnTuTu X'ни яратишган. Бу синовда эса ғирромлик қилиш осон эмас.
AnTuTu'нинг илк талқини 2011 йилда яратилган бўлиб, ушбу версия қурилмаларнинг CPU'си, 2D / 3D графикаси, SD-карта ўқиши/SD-картага маълумот ёзиши кабиларни синовдан ўтказган. Синтетик тестнинг жорий еттинчи версияси эса 2018 йил февралда тақдим қилинган бўлиб, қуйидаги хусусиятларга эга:
•Янги дизайндаги 3D тест ҳудудлари: нефть заводи ва соҳил бўйи;
•Очиқ графика кутубхонаси (OpenGL) ES 3.1+ AEP қўллаб-қувватланиши;
•Тесселяция ва соя қўллаб-қувватланиши;
•Амалий аҳамиятли жиҳатлар (WebView, QR-код, Scroll) ларни синовдан ўтказувчи янги UX (фойдаланувчи амалиёти) тести;
•Янгича балл пропорцияси;
•Аккумулятор ҳарорати, аккумулятор қуввати фоизи кабилар ҳақида батафсил маълумот.
ЎҚИНГ: Geekbenchʼда имтиҳондан ўтган Realme 5 Pro'нинг асосий жиҳатлари ошкор бўлди
