AnTuTu: июлнинг зўр смартфонлари рейтингида Xiaomi мутлақ ғолиб!
Таниқли AnTuTu бенчмарки жамоаси ўтган ой бўйича самарадорлиги энг юқори бўлган Android-смартфонлар рейтингини эълон қилди. Мазкур рўйхат ушбу сервисда синаб кўрилган қурилмаларнинг маълумотлари асосида шакллантирилган.
ЎҚИНГ: Геймерлар яхши кўрадиган Black Shark смартфони жуда аломат чиқиб қолди
Бу галги рейтингда Xiaomi компаниясининг махсус геймерларга мўлжаллаб чиқарган Black Shark телефони ғолиблик шоҳсупасидан ўрин олди. AnTuTu’да у 292 977 баллик натижа кўрсатган. Яқинда тақдим этилган бетакрор Oppo Find X ҳамда энг инновацион технологияларга эга Vivo Nex смартфонлари тегишлича 286589 ва 283877 балл билан кучли учликка киришган.
Кўриб турганингиздек, июль ойининг ТОП-ўнталигига яна OnePlus 6, Smartisan R1, Xiaomi Mi 8, Xiaomi Mi Mix 2S, Samsung Galaxy S9 ва S9+, шунингдек, Sony Xperia XZ2 моделлари кирган.
ЎҚИНГ: Антирейтинг: энг кўп бузилувчи смартфонлар рўйхати билан танишинг
Эътибор берган бўлсангиз, гарчи бир хил платформа базасида ишласа-да, биринчи ва ўнинчи ўринлардаги девайсларнинг кўрсаткичлари орасида салкам 20 фоизлик фарқ бор. Бу эса Xiaomi’нинг ўз қурилмаларида барча қисмларни ва дастурий таъминотни оптималлаштиришга жиддий аҳамият берганлигидан далолат.
Тўғри, Black Shark айнан ўйинлар ўйнашга мослаштирилганлиги учун ҳам кучли аппарат қисмлари билан таъминланган. Лекин «хитойча Apple»нинг бошқа смартфонлари ҳам яхши натижалар кўрсатмоқда. Мана шу рейтингнинг ўзидаёқ унинг яна иккита – Mi 8 Mi ҳамда Mi Mix 2S флагманлари ҳам борлиги Xiaomi’нинг устунлигидан далолат.
Дарвоқе, сайтимизнинг онлайн дўкони – Terashop.uz’да Xiaomi компаниясининг турли моделлари сотувга қўйилган.
