Apex Legends'нинг мобил ўйини ёпилмоқда
Компютер учун энг машҳур шутер ўйинларнинг бири бўлган Apex Legends'нинг ўтган йили чиқарилган мобил версияси ҳали бир ёшга тўлмасдан ёпилмоқда. Ўйин ишлаб чиқарувчиси, Respawn Entertainment , ҳамда, уни оммага тақдим қилган Electronic Arts ўйиннинг 1 май куни барча ҳудудларда ёпилишини эълон қилишди.
We have made the decision to sunset Apex Legends Mobile.
— Respawn (@Respawn) January 31, 2023
We're sure you have a lot of questions. For more information on where things are at currently, including an FAQ, please read the blog below.https://t.co/Yjr4EOJnTq pic.twitter.com/4k3dGzOL12
Маълум бўлишича, ўйиннинг ёпилишига унинг учун контент ишлаб чиқишда бўлган муаммолар, ҳамда, ўйин сифатининг тушиб кетганлиги сабаб бўлган.
Apex Legends Mobile ўйини ўтган йилнинг 16 май санасида ишга туширилган эди.
31 январдан бошлаб, Apex Legends Mobile ҳам App Store, ҳам Play Store'дан олиб ташланади ва шу кундан эътиборан ўйинчилар ҳақиқий пул билан ўйин ичидаги нарсаларни сотиб ола олмайдилар, лекин ўйинни 1 майгача ўйнаш мумкин бўлади. EA ўйинга тикилган пуллар қайтиб берилмаслигини таъкидлаган.
Айтиш керакки, ўтган йилнинг иккинчи чорагида чиқарилганига қарамай, Apex Legends Mobile ўйини жуда тез шуҳрат қозонди ва ҳам Аpp Store, ҳам Play Store'да "Йил ўйини" бўлган эди.
Бироқ, келажакда Apex'нинг мобил ўйинининг қандайдир янги версияси пайдо бўлиши мумкин. EA'нинг даромадлар бўйича йиғилишида бош директор Эндрю Уилсон EA ва ўйиннинг ишлаб чиқарувчилари унинг ушбу "версиясини" ёпилишини танлаганини ва компания "келажакда бир-бирига боғланган Apex мобил тажрибасини қайта тасаввур қилишни режалаштираётганини" айтди. Кейинчалик йиғилишда Уилсон мобил алоқа Apex франчайзи учун "келажакда ўсиш вектори" бўлишини қўшимча қилди.
Electronic Arts, шунингдек, ўзининг ҳали оммага тақдим қилинмаган, лекин ўтган йилнинг бета синови ўтказилаётган Battlefield Mobile ўйинининг ҳам ишлаб чиқарилишини эълон қилди.
"Саноат ривожланиб, бизнинг бир-бирига чуқур боғланган Battlefield экотизимини яратиш стратегиямиз шаклланар экан, биз ушбу франшиза бўйича ўз қарашларимизни энг яхши тарзда амалга ошириш ва ўйинчиларимизнинг умидларини қондириш учун ҳозирги йўналишдан бурилишга қарор қилдик. Биз Battlefield'нинг улкан салоҳиятини очишга содиқмиз. Биз Battlefield 2042 ўйинини ривожлантириш устида қаттиқ ишлаяпмиз ва бутун дунё бўйлаб студияларимизда янги Battlefield тажрибаларини тайёрлаяпмиз", – дейди компания ўзининг баёнотида.
