Apple 10.5 дюймлик қуйи тоифа iPad тайёрлаяпти
Apple сентябрь ойида 10.2 дюймлик қуйи тоифа iPad'ни тақдим қилганди. Эндиги хабарларга кўра эса, 2021 йилнинг бошида ушбу девайснинг янгиланган, Apple A13 Bionic чипида ишловчи 10.5 дюймлик талқинини намойиш қилади.
Хабарда яна айтилишича, тўққизинчи авлод iPad'нинг корпуси ингичка ва енгилроқ бўлади, бироқ умумий дизайн жорий версия iPad'никидан деярли фарқланмайди. Тахминларга кўра, Apple 2019 йилги iPad Air'нинг форма факторидан фойдаланиши мумкин, сабаби ушбу қурилма ҳам енгил, ҳам ингичка эди.
10.5" iPad
— Tron (@cozyplanes) December 13, 2020
with A13 chip coming early 2021
- 10.5" Retina display
- A13 Bionic chip
- 4GB RAM
- thinner, lighter design
- Home button w/ Touch ID
- Starting at $299
Янги, тўққизинчи авлод iPad 4ГБ тезкор, базавий 64ГБ доимий хотирага эга бўлиши, олд пастки қисмда эски Touch ID уй экрани тугмасини сақлаб қолиши мумкин. Нархи 299 доллардан бошланиши кутилмоқда. Қиёс учун, ҳозирги версия қуйи тоифа iPad нархи 329 доллардан бошланади.
ЎҚИНГ: 6 ёшли болакай ўйинлар учун 16 минг доллар сарфлаб юборгани маълум бўлди