Apple A10X чипи AnTuTu’да рекорд ўрнатди

  •   DiMaX
  •  1332
  •  09.06.2017 17:20

Apple A10X чипи AnTuTu’да рекорд ўрнатди

Яқинда бўлиб ўтган WWDC 2017 кўргазмасида Apple компанияси iPad Pro планшетининг кичрайтирилган – 10,5 дюймлик версиясини тақдим этди. Мазкур гаджетга ҳам, худди 12 дюймлик версиясидаги каби, янги – 6 ядроли Apple A10X мобил процессор ўрнатилган. Энди эса бу чип AnTuTu бенчмаркида тестдан ўтди ва янги рекорд ўрнатди.

Apple A10X’нинг янги – якка кристалли тизими оммабоп бенчмаркда рекорд даражада – 234082 балл тўплади. Шу пайтгача бирорта планшет ёки смартфон модели бу қадар очко тўплай олмаган эди. Таққослаш учун айтиб ўтсак, AnTuTu рейтингининг олдинги етакчиси – iPhone 7 Plus смартфони мазкур тестда 183 минг балл йиға олган.

Натижалардан кўриниб турибдики, Apple процессор самарадорлиги устида ўта жиддий иш олиб борган. Бу эса қолган компаниялар учун етиб олиш қийин бўлган яна бир маррадир.

Сайт янгиликларидан доимий хабардор бўлиш учун Телеграм каналимизга қўшилинг!