Apple Airpods наушниклари таъмирга яроқсиз бўлиб чиқди

Apple Airpods наушниклари таъмирга яроқсиз бўлиб чиқди

Янги гаджетларнинг танасини “ёриб кўриб”, уларнинг қай даражада таъмирга яроқли эканини текширадиган таниқли iFixit ресурси мутахассислари яқинда сотувга чиқарилган Apple Airpods наушникларини синаб кўришди.

Ferra нашрининг ёзишича, мутахассислар нафақат наушникларнинг ўзини, балки уларнинг ғилофини ҳам бўлакларга ажратиб, таъмирга бўлган яроқлилигини текширишган. iFixit хулосасига кўра, Apple Airpods наушниклари таъмирга яроқли эмас деб топилган. Бунга сабаб ташқи қобиққа зарар етказмасдан ички компонентларга кириб бўлмаслигидир. Айтмоқчи, бу гап наушник ғилофига ҳам тегишли.

Ресурс мутахассисларининг қайд этишича, наушник ғилофида бир қатор сифат билан боғлиқ муаммолар мавжуд ва айнан у сабаб Apple Airpods сотувлари бир неча ойга кечиктирилган бўлиши мумкин.

Сайтимизнинг энг чиройли расмларини Инстаграмдаги саҳифамизда томоша қилинг!