Apple AirPods одамнинг ҳазм қилиш тизимидан ўтиб, ишлаётган ҳолатда чиқди!

Тайванлик Бен Сюй (Ben Hsu) қулоғида Apple AirPods қулоқчинлари билан ухлаб, уйғонганида улардан бирини тополмади. iPhone орқали Find My AirPods функцияси ёрдамида излаб, унинг шу хонада эканини аниқлади, аммо кўринмас эди.

ЎҚИНГ: Ишлаб турган Apple AirPods қулоқчини портлаб кетди

Шунингдек, фойдаланувчи қулоқчинни излаганда чиқадиган товушни ҳам эшитди, аммо AirPods кўрпа остида ҳам йўқ эди. Шунда эътибор бериб, у овознинг ўз қорнидан чиқаётганини англади!

Бен Сюй қорнида бирор оғриқ ёки нохушлик сезмаса-да, касалхонага мурожаат этди. Рентген текшируви AirPods’нинг жойлашувига аниқлик киритди: у аллақачон ошқозонда «сайр қилаётган» экан:

Шифокорлар уни операция қилишга шошилишмади – озроқ кутилса, қулоқчин ҳазм қилиш тизимидан ўтиб, табиий йўл билан чиқиши мумкин эди. Шундай бўлди ҳам – тегишли вақтдан сўнг AirPods бус-бутун чиқди. Бен Сюй уни ювиб, текшириб кўрса, қулоқчин нафақат ишлаяпти, балки ҳали 41 фоиз қуввати ҳам борлиги маълум бўлди.

Эътибор беринг: Apple AirPods расман ҳеч қандай даражада IP ҳимоясига эга эмас, аммо амалда у яхшигина муҳофазаланган бўлиб чиқди!

ЎҚИНГ: Бу смартфон кўл тубида 2 ҳафта ётганидан сўнг ҳам ишлайверди!