Apple AirPods Pro 2 - янгиланган флагман қулоқчин
Apple ва ниҳоят ўзининг AirPods Pro қулоқчинини янгилади. H2 чипи билан жиҳозланган AirPods 2 Pro қулоқчини паст дисторцияли драйвер ва кучайтиргичларга эга. Қулоқчин дизайни ўзгармаган.
Фазовий овоз - ушбу функция iPhone'нинг TrueDepth сенсори ёрдамида фойдаланувчининг юз ҳамда қулоқларининг ҳажмини аниқлаб, ҳар бир фойдаланувчини ўзига хос бўлган овоз эффектлари билан таъминлайди.
Оптималлашган микрофон жойлашуви сабаб фаол шовқинни бекор қилиш функцияси янада яхшиланди. Компаниянинг таъкидлашича, янги қулоқчин биринчи авлод AirPods Pro'га қараганда шовқинни икки баробар яхшироқ бартараф этади.
Adaptive transparency - бу янги қулоқчиндаги янги режим бўлиб, атрофдаги юқори десибелли шовқинни аниқлаб, уни бартараф этишни бошлайди. Force сенсори билан энди овоз бошқарувларини янада осонроқ бошқариш мумкин.
Қулоқчин тўлиқ қувват билан 6 соат ишлайди. Қути эса қулоқчинни 30 соатгача етадиган қувват билан таъминлайди. Қутини йўқолиб қолса уни “Find My“ сервиси орқали топиш мумкин. Шунингдек, қутига махсус динамик ўрнатилган бўлиб, овоз орқали ҳам уни топиш имконияти яратилди.
Қутини Lightning порти, Apple Watch қувватлагичи ёки MagSafe билан қувватлаш мумкин. Apple AirPods Pro 2 қулоқчинининг нархи 249 долларни ташкил қилади. Унга олдиндан буюртма бериш 9 сентябрдан бошланади, 23 сентябрь санасида эса расман сотувга чиқади.
