Apple акциялари Galaxy Note 7 сабаб қимматлашиб кетди
Биржа савдолари жараёнида 10 октябрь куни Apple компаниясининг акциялари 2015 йилнинг декабрида қайд этилган максимум кўрсаткичдан юқорилади. Бунга Купертино гигантининг асосий рақиби – Samsung компаниясига тегишли Galaxy Note 7 билан боғлиқ муаммо сабаб бўлган.
Жанубий Корея фирмаси 10 октябрда Galaxy Note 7 смартфонларини ишлаб чиқаришни вақтинчалик тўхташини маълум қилган эди. Бугун эса компания ушбу моделни тайёрлашни бутунлай тўхтатиб, харидорларга сотилган қисмини қайтариб олиши ҳақида баёнот берган.
Кеча Nasdaq биржасида ўтказилган савдоларда Apple акцияларининг бир донаси $116, 75 нархида баҳоланган (2,3% ўсиш). Бироқ ўша куннинг ўзида ушбу кўрсаткич 1,89 долларгача тушиб, 116,22 долларни ташкил қилган.
Эслатиб ўтамиз, Apple 2016 йил, сентябрь ойида iPhone 7 ва 7 Plus моделларини тақдим этгач, компания акциялари 13%га қимматлашган эди.
