Apple App Store’га Samsung Pay Mini иловасини жойлашга рухсат бермади

Apple App Store’га Samsung Pay Mini иловасини жойлашга рухсат бермади

Жорий йилнинг биринчи чорагида Жанубий Кореянинг Samsung компанияси Samsung Pay Mini номли тўлов тизимини таништирган эди. Ушбу сервис дўконларда маҳсулот харид қилишга эмас, балки айнан онлайн тўловларни амалга оширишга мўлжалланган. Табиийки, ушбу сервисдан банк картаси ёрдамида исталган смартфонда фойдаланиш имконияти мавжуд.

Samsung келгуси йилнинг январь ойида мазкур сервиснинг Android ва iOS иловаларини ишга гуширишни режалаштирган эди. Бироқ, сўнгги хабарларга қараганда сервиснинг iOS иловаси чиқарилмаслиги мумкин экан. ET News сайтининг ёзишича,  Samsung компаниясининг ушбу сервис иловасини App Store’га жойлаш бўйича билдирган таклифи Apple томонидан рад этилган. Бунга, албатта, икки гигант ўртасида рақобат сабабдир. Samsung ушбу қарор юзасидан судга мурожаат қилиши мумкин эди. Бироқ Жанубий Корея фирмаси иловани App Store’га жойлаш фикридан қайтган, дейилади манбада.

Terabayt.uz сайтининг видеолари: Youtube'даги каналимизда!