Apple АҚШда 2 миллионта иш ўрни яратганини айтди

Apple 3 май куни Америкада иш ўрниларига бағишланган саҳифасини 2016 йилга оид маълумотлар билан янгилади. Корпорация раҳбари Тим Кукнинг маълум қилишича, Apple янг ишчи ўрниларини яратиш учун 1 млрд АҚШ доллари сарфлаш режасида. Бунинг учун алоҳида жамғарма ташкил этилади.

Apple АҚШнинг ҳозирги президенти бошқаруви билан яхши чиқишмоқда ҳамда АҚШда аппарат таъминот тизимларини ишлаб чиқаришга салмоқли сармоя киритган. Мисол учун, 2013 йилда бошлаб Техасда ишлаб чиқариладиган Mac Pros девайси тўлиқ Америкада ишлаб чиқарилган бутловчи қисмлардан тайёрланади.

Apple тақдим этган маълумотларга кўра, бугунга қадар бренд саъй-ҳаракатлари билан АҚШнинг ўзида 2 миллиондан зиёд киши ишли бўлган. 2016 йилнинг ўзида $50 миллиард доллар эвазига 90,000 амриқолик иш билан таъминланган экан.

Тўғридан-тўғри Apple’нинг ўзида ва дўконларида ишлайдиган ходимлар сони 2016 йилда 80 мингга етган.

Apple қайд этишича, App Store онлайн иловалар дўкони ҳозирда 1,530,000 нафар одамга даромад келтирмоқда. Бу 1 йил аввалгига қараганда деярли 150 мингга кўп. App Store ишга тушган 2008 йилдан бошлаб АҚШлик дастурчилар бу дўкон орқали $16 млрд доллар ишлаб топишган. Бунинг 39 фоизи хориждан келган маблағ.

Apple шунингдек, iPhone, iPad, Mac, Apple Watch ва Apple TV каби асосий маҳсулотларининг бутловчи қисмлари америкалик ишлаб чиқарувчилар томонидан етказиб берилишини маълум қилган.