Apple асосчиларидан бирининг лойиҳаси амалга ошмайдиган кўринади

  •   Saroy
  •  320
  •  05.10.2018 15:05

Apple асосчиларидан бирининг лойиҳаси амалга ошмайдиган кўринади

Apple асосчиларидан бири Стив Возняк Woz U онлайн-академиясини ишга туширган эди, талабаларнинг эса бундан умуман кўнгли тўлмаяпти.

Онлайн-таълим борган сари оммалашиб бормоқда. Интернет орқали таълим олаётган одамлар сони ҳар йили 15-20 фоизга ортмоқда, дунёнинг йирик университетлари эса ўзларининг онлайн-платформаларини ҳамда таълим курсларини ишга туширмоқда.  Ёлғиз ўзи Apple I ва Apple II компьютерларини лоҳилаштирган Стивен Возняк ҳам бу жараёндан четда қолгиси келмади ва  Woz U онлайн-академиясини ташкил этди.

Талаба тўплаш муаммо туғдирмади: одамлар номи машҳур бўлган курс асосчисига ишонади ҳамда курсни битиргач катта маошли ишга жойлашишни ҳам умид қилади. Тўғри, иссиқгина ва юқори маош оладиган дастурчи бўлишни истаганлар анчагина харажат ҳам қилишига тўғри келади. Чунки бир ҳафталик таълим 13 200 долларни ташкил этарди.

ЎҚИНГ:Стив Вознякнинг криптовалюта лойиҳаси барбод бўлди

Тармоқларда Woz U ҳақида дастлабки шикоятлар пайдо бўла бошлади ва улар шунчаки эмас. Ҳафа бўлганларнинг бири ядровий двигател бўйича собиқ мутахассис  Билл Дюерр. «Мен кодни ишга туширмоқчи эдим у печатланган экан. Код ишламайди ва уни қандай ишга туширишни билмайман. Кимдир буни ҳисобга олганми, ўзи? Кимдир унинг ишлашини текшириб кўрганмикан? — киноя билан савол беради Дюерр. — Мен худди электрон китобни 13 мингга сотиб олгандай бўлдим. Код ишламайди, тушунтириш ўрнига қандайдир ҳужжатга ва Википедияга бир дунё ҳавола, - дейди у.

CBS News журналистларининг  айтишича, Woz U’нинг йигирма нафарга яқин собиқ талабаси малакали таълим берилмаётгани ҳамда материаллар ҳам эскирганидан шикоят қилишган. «Жонли» маъруза аввалдан ёзиб олинган экан, курсларнинг бирида эса умуман менторнинг ўзи йўқ.  Woz U раҳбарияти ушбу шикоятларга муносабат билдирган. Вознякнинг ўзи бўлаётган ҳодисаларни изоҳлашдан воз кечди. Woz U президенти Крис Коулмэн барча хатоларни тўғрилашга ваъда берган ва назорат тизимини жорий қилишини маълум қилган. Бундан ташқари, Коулмэннинг маълум қилишича, талабаларнинг ўқув режаларини шахсан ўзи назорат қилади.

ЎҚИНГ:Стив Возняк iPhone X'даги бош муаммони айтди