Apple эксклюзив мусиқа учун “кичкина” пул тўламайди

Жаҳондаги таниқли санъаткорлар, гуруҳ томонидан янги мусиқий альбом тақдим қилингач, ушбу ижод маҳсулини дастлаб бир ҳафта давомида фақатгина Apple корпорацияси томонидан 2015 йилда ишга туширилган Apple Music мусиқий хизматида тинглаш мумкин бўлади ва бошқа шундай хизматларда шу давр мобайнида уни жойлаштириш расман таъқиқланади.

Яқинда Apple Music хизмати мусиқий асарлар муаллифларига бир ҳафталик шартнома учун қанча гонорар бериши маълум бўлди.

Америкалик ҳип-ҳоп ва рэп ижрочиси Чанселор Беннет ўзининг Твиттере тармоғидаги саҳифасида ўтган йилнинг май ойида тақдим қилинган сўнгги Coloring Book номли альбоми учун Apple Music унга қанча тўлаганига ойдинлик киритди. Унга кўра, Apple рэперга альбомни бир ҳафта ўзининг электрон хизматида “айлантиргани” учун 500 минг АҚШ доллар тўлаган.