Apple энди келиб-келиб Xiaomi’дан нусха ола бошлади!
Купертинолик корпорациянинг гаджетларига ўхшаш, лекин ҳамёнбоп маҳсулотлари туфайли Xiaomi компаниясини «Хитойча Apple» дейишларидан хабарингиз бор. Лекин энди тескариси бўляпти – америкаликлар хитойликлардан нусха олишяпти!
ЎҚИНГ: Xiaomi’ни судга беришди – уни бир қатор патентларни бузишда айблашмоқда
Apple’нинг янги патентига қараганда, у қайишқоқ дисплейли смартфон устида ишламоқда. Шунингдек, унда мазкур девайс шаффоф корпусга эга бўлиши таъкидланган. Яъни, етакчи корпорация тайёрлаётган iPhone корпусининг атрофини экрани ўраб туради.
Смартфонсозликда айни шунақа форм-фактор умуман янгилик эмас – ҳали яқиндагина Xiaomi компанияси намойиш этган ишқилобий Mi Mix Alpha смартфонининг атрофини дисплейи деярли бутунлай қоплаган. Биз унинг қадоғидан олиб ишлатиб кўрсатилган биринчи расмий видеосини эълон қилганмиз. Ҳали расман савдога чиқмаган бўлса-да, ушбу гаджетни нақ 140 минг доллар нархида онлайн сотувга қўйишган.
