Apple энди топ учталикда эмас

Samsung компанияси смартфонлар дисплейлари, хотира микросхемалари ва тасвир датчикларини ишлаб чиқаради. Шу жумладан, процессорлар ва яккакристалли системаларни (SoC) ҳам.

Counterpoint Research'нинг сўнгги ҳисоботига кўра, Samsung'нинг мобил қурилмалар учун глобал SoC бозоридаги улуши 2019 йилда 14,1 фоизни ташкил этди. Бу жанубий кореялик ишлаб чиқарувчига Apple'ни смартфон процессорлари ишлаб чиқарувчиларининг биринчи учлигидан сиқиб чиқаришга имкон берди. Apple'нинг ушбу бозордаги улуши эса 13,1% ни ташкил қилади.Биринчи ва иккинчи ўринларни бозорнинг 33,4% ва 24,6% улушига эга бўлган Qualcomm ва MediaTek компаниялари эгаллайди. Эътиборлиси шуки, етакчи бешта ишлаб чиқарувчилар орасида фақат Samsung ва Huawei'да ўсиш қайд этилган.

Samsung SoC Exynos процессорини чиқаради. У нафақат Samsung смартфонларида, балки Meiuz ва vivo компанияси смартфонларида ҳам қўлланилади.

ЎҚИНГ: Яна битта арзон Galaxy M смартфони видео ва суратларда: тирқишли дисплей ва учталик камера!