Apple эски моделдаги iPhone'ларни атайин секинлаштирганликда айбланмоқда

Apple эски моделдаги iPhone'ларни атайин секинлаштирганликда айбланмоқда

2017 йилда Apple компанияси шаънига катта доғ тушди. Ўшанда компания ўз iPhone смартфонларини ишлашини атайлаб секинлаштиришганликда айбланган эди. Бунда iPhone 6, 6 Plus, 6S, 6S Plus, SE, 7, 7 Plus, 8, 8 Plus ва iPhone X жабр кўрганлиги маълум қилинган.

Купертинолик компания мобил қурилманинг ишлашига таъсир қиладиган воситасини ўша йилнинг январ ойида прошивка янгиланишлари билан чиқарган ва у телефон батареяси узоққа етиши учун хизмат қилиши билан дастурларнинг ишлашига халақит қилган. Афсуски, Apple бу ҳақида фойдаланувчиларни огоҳлантирмаган ва шунинг учун у журналистлар ва фойдаланувчилар томонидан узур сўрашга мажбур қилинган. Ўша пайт компания ўз айбини тан олган ва у буни фақат истеъмолчилар манфаати учун қилганлигини айтган эди.

Бугунга келиб эса, Жастин Гутманн, истеъмолчиларни ҳимоя қилиш гуруҳи раҳбари ишни судга топшириш учун қайта кўтарди, дея хабар бермоқда The Guardian нашри. Агар у судда ютиб чиқадиган бўлса, техно-гигант компания 750 миллион поунд ёхуд 900 миллион доллардан ортиқ жаримани 25 миллион секинлашиб қолган iPhone эгаларига тарқатиши керак бўлади.

"Ўз мижозларига қонуний ва шарафли равишда бепул алиштириш, таъмирлаш хизмати ёки компенсация таклиф қилиш ўрнига, Apple дастурий таъминот янгиланишларида қурилмани 58 фоизгача секинлаштирган воситани яшириб, одамларни чалғитди", дейди Гутманн.

“Мен бу ишни Буюк Британия боʻйлаб миллионлаб iPhone фойдаланувчилари Apple'нинг хатти-ҳаракатлари натижасида етказилган зарарни қоплашлари учун ишга туширяпман. Агар бу иш муваффақиятли якунланса, умид қиламанки, бошқа компаниялар ўзларининг бизнес моделларини қайта кўриб чиқадилар ва бундай ҳаракатлардан сақланадилар."

ЎҚИНГ: Samsung ва Apple'нинг бестселлер смартсоатлари

Сайтимизнинг энг чиройли расмларини Инстаграмдаги саҳифамизда томоша қилинг!