Apple фильм ва сериаллар яратади

Apple компанияси ўзининг кетма-кет видеохизматини йўлга қўйиши мумкин (бундай хизмат ҳозир  Netflix ва Amazon’да бор). Янги видеохизматда Apple’нинг ўзи сўратга олган сериаллари ва кўрсатувлари ҳам намойиш қилинади.

Бунинг учун компаниянинг навбатдаги қадами “Филлар қироличаси” (The Elephant Queen) ҳужжатли фильмига ва Wolfwalkers мультфильмига бўлган халқаро ҳуқуқни сотиб олиши бўлди. Филлар подасини сувликка бошлаб борган филча ҳақидаги фильм ўтган якшанбада Торонто кинофестивалида намойиш қилинди.

Apple сервиси келаси йилнинг март ойида ишга тушиши керак. Ўтган йили компания ўзининг келгуси сервиси учун ўзига хос контентни сотиб олишга қарийб миллиард доллар сармоя жалб этди, шунингдек, сарф қилинган маблағнинг бир қисми  Стивен Спилбергнинг «Ажойиб тарих» (Amazing Stories),   Рональд Мурнинг «Галактиканинг юлдузли крейсери» (Battlestar Galactica’s) сериалларини қайта кўрсатиш ва  Айзек Азимовнинг «Асос» (Foundation) асарига адаптациясини намойиш қилиш ҳуқуқи ҳам киради.