Apple ҳақида сиз билган ва билмаган 14 факт

Apple ҳақида сиз билган ва билмаган 14 факт

Бугунги кунга қадар Apple ҳақида кўплаб китоблар ёзилган ва ҳатто тўлиқ метражли фильм ҳам суратга олинган. Ҳозир эса, биз сизга афсонавий компания ҳақида 14 та қизиқарли фактни баён қиламиз. Ишонаверинг, уларни ҳатто компаниянинг энг содиқ мухлислари ҳам билишмайди.

Apple жуда бой тарихга эга. У Жобс гаражидаги кичкина стартапдан одамларнинг рақамли технологиялар ҳақидаги ғояларини ўзгартирган кўп миллиардли корпорация айлангунга қадар қизиқарли йўлни босиб ўтди. Унинг асосчиси - Стив Жобс кўпчилик учун кумирга айланган. 

Қуйида Apple ҳақидаги энг қизиқарли ва унчалик оммалашмаган, сараланган 14 фактни келтириб ўтамиз.1. Apple'га уч киши асос солган.

Apple компаниясининг асосчиларидан икки киши, яъни Стивлар жуфтлиги- Возняк ва Жобсни деярли ҳамма билади, аммо компания муваффақиятига улкан ҳисса қўшган учинчи шахс Роналд Уэйнни ҳам унутмаслик лозим. Жобс Atari компаниясида ишлаб юрганида у билан дўстлашган. Уэйн нафақат компьютерларни яратишда иштирок этган, балки улар учун қўлланмалар ҳам ёзган, шунингдек, “олма“ компаниясининг биринчи логотипини ҳам яратган. Кейинчалик, Роналд Уэйн Стив Жобснинг ғалати ғояларидан қўрқиб, компания касод бўлади деб ўйлаб, улушини арзонга сотиб, компаниядан кетган. Лекин бу “ғалати“ ғоялар Apple'ни бутун дунёга машҳур қилган. Ўшандан бери Уэйннинг карьерасида ўсиш бўлмади, ҳозирда у Невада трейлер паркида танга ва муҳрлар сотмоқда. 2011 йилда iPad тақдим қилингунига қадар унда узоқ вақт давомида Apple'дан бирорта маҳсулот бўлмаганлиги эса жуда қизиқ.

2. Барчаси оддий калькулятордан бошланган.

Компанияни ишга тушириш учун пул зарур эди. Бунинг учун Жобс микроавтобусини, Возняк эса калькуляторини сотишига тўғри келган. Калькулятор ўша вақтларда машинадан қимматроқ баҳоланган. Шунингдек, ўша вақтларда ҳар қандай компьютер ва ҳисоблаш технологиялари жуда қимматга тушар, Woz каби дастурлаштириладиган калькулятор эса олтинга тенглаштирилар эди. Шундай қилиб, Возняк сотган калькулятор нархи 500 долларни ташкил этган (ҳозирги қийматда 2000 доллар атрофида).

3. Стив Жобснинг ҳақиқий ота-онаси уни асраб олишга беришган.

Висконсин университети талабаси Жоанна Шибл 1955 йилда ҳомиладор бўлади ва ўзининг йигити, суриялик муҳожир Абдуфатта Жандали билан бирга болани ташлаб кетмоқчи бўлишади, аммо ошиқларнинг ота-оналари уларни болани асраб олишга беришга мажбур қилишади. Жоанна Шибл фарзандининг бўлажак ота-онаси олий маълумотли бўлишини хоҳлайди. Ваҳоланки, болани юқори мактабдан четлаштирилган Пол Жобс ва коллеж талабаси Клара Жобслар асраб олишади, чунки улар фарзанд кўра олмас эдилар. Шибл ва Жандали эса бир қанча вақт ўтгач, турмуш қурган ва Мону Симпсон исмли қиз фарзандли бўлишган. Жобс ҳеч қачон ҳақиқий отасини кўрмаган, аммо ўлимидан олдин у билан электрон почта орқали ёзишган.

4. Стив Возняк ҳалигача Apple'да ишлайди.

Аниқроқ қилиб айтганда, у расман компания ходимлар штатида ва ҳатто йилига 120 минг доллар маош олади. Вознякнинг ўзи интровертдир ва анъанавий иш кунини ёмон кўради. Шунинг учун, у 1987 йилдаёқ мунтазам равишда офисга келишни тўхтатган.

5. Apple'нинг биринчи компьютери нархи 666,66 доллар бўлган.

Компаниянинг биринчи компьютери Apple-1'нинг чакана нархи 666,66 долларни ташкил қилган. Вознякдан ушбу миқдорни танлашнинг сабаби нимада деб сўрашганида, у шунчаки бу рақамларни териш қулайроқ эканлигини айтган. Бундан ташқари, Возняк такрорий рақамларни яхши кўрарди. Қисқача айтганда, у умуман ғалати одам бўлган.

6. Apple маҳсулотлари самолётларда етказиб берилади.

Анъанавий паром ва баржалар ўрнига Apple ўз маҳсулотларини етказиб бериш учун самолётлардан фойдаланади. Бу анча қиммат, аммо бу усул ҳам ўзининг афзалликларига эга. Биринчидан, қурилмалар дўкон жавонларида жуда тез пайдо бўлади. Иккинчидан, самолётларни талаш анча қийин ва уларни тутиб олиш олиш деярли имконсиз. Apple компаниясининг энг йирик “само ҳамкори“ Cathay Pacific авиакомпанияси ҳисобланади.7. Стив Жобсга Macintosh номи ёқмаган.

Жобс Жеф Рускиннинг Macintosh лойиҳасига қизиқа бошлаганидан сўнг, ушбу компьютерни ишлаб чиқариш ишлари анча тезлашган. Раскин ўз маҳсулотига севимли олма нави “Macintosh “ шарафига шундай ном берган. Лойиҳанинг вақтинчалик номи сифатида бу сўз Стивга тўлиқ мос келди, лекин у ҳақиқатан ҳам компьютерни расмий равишда ушбу ном остида сотишни хоҳламаган. Бир куни, Раскин идорада бўлмаганида, Жобс ҳатто уни ўзгартиришга ҳаракат қилган, аммо ўша пайтда унга компанияда ҳал қилувчи сўз ҳуқуқи берилмаганлиги учун ҳеч нарса ўзгармаган.

8. Жобс оқ рангни ёқтирмаган.

Стив Жобс Apple'га қайтиб келганида, у компаниянинг барча компьютерлари ҳақиқатданда чиройли кўринишини хоҳлаган. Унинг мақсади уларни эгаси фахрланадиган қурилмага айлантириш эди. У дизайнер Жон Ивега (у ҳанузгача компаниядаги муҳим ходимлардан бири) ўз қарорларини татбиқ қилиши учун тўлиқ ҳуқуқ берди. Стивни оқ рангдан ташқари деярли ҳамма нарса қониқтирар эди. У Иведан бошқа рангни танлашни сўради. Дизайнер шунчаки тайёр маҳсулотни кулранг билан бўяди (Moon Gray, яъни ой ранги), аммо бу вариант Жобсга ёқмади. Ўшандан бери оқ ранг барча Apple маҳсулотларининг асосий фишкаларидан бири бўлиб келмоқда.

9. Apple “бахтли“ кийимга ишонади.

Жобс тақдимотларининг ўзига хос хусусиятларидан бири шундаки, у ҳар доим бир хил кийим билан тақдимотга чиққан: Levi's'нинг жинси шимлари, қора водолазка ва New Balance кроссовкалари. Ушбу “стиль“ жуда машҳур бўлган ва Стив вафотидан кейин ҳам анъанага айланди: Жонатан Айв ҳам худди шу услубдаги, худди шу ишлаб чиқарувчи томонидан чиқарилган футболкаларни кийиб тақдимотга чиқади.

10. Биринчи iPod'да Breakout'ни ўйнаш учун яширин имконият бўлган.

Breakout'нинг яратувчиси - Стив Возняк, уни 1976 йилда Apple ташкил этилишининг бошида Atari учун ишлаб чиққан. 15 йилдан кейин чиқарилган биринчи авлод iPodъда муайян ҳаракатлар кетма-кетлигини бажаргандан сўнг ушбу ўйинни ўйнаш мумкин бўлган. Имкониятга эга бўлиш учун эса сиз “Қурилма ҳақида“ менюсига ўтишингиз ва марказий тугмачани уч сония босиб туришингиз керак эди.

11. Apple'да Исаак Нютондан илҳомланишади.

Нютон инглиз физиги ва математиги, инсоният цивилизацияси тарихидаги энг буюк ақл эгаларидан биридир. Айтишларича, у бошига олма тушганидан кейин тортишиш қонунини аниқлаган. Шу сабабли, компаниянинг дастлабки логотипида олма дарахти остида ўтирган Нютон тасвирланган. Apple томонидан ишлаб чиқилган биринчи қўл компьютерларидан бири ҳам Apple Newton деб номланган.

12. Applе дунёда биринчи рақамли камера сотган.

У Apple QuickTake 100 деб номланган ва ўша пайтда инқилоб бўлган. Аммо, кўплаб унинг камчиликлари ҳам мавжуд эди: жой бор-йўги саккизта фотосурат учун етарли эди, визор йўқ ва фотосуратларнинг сифати анча ёмон эди. Шундай қилиб, қурилма ҳеч қандай натижага эришмаган.

13. Apple сониясига 5400 доллар ишлаб топади.

Шубҳасиз, Apple энг бой компаниялардан биридир. 2013 йилда компаниянинг соф фойдаси 171 миллиард долларни ташкил этди. Бир суткада 86 400 сония, бир йилда эса 365 кун борлигини ҳисобга олиб, оддий ҳисоб-китобларни амалга оширсангиз, ҳар сонияда Apple 5400 доллар ишлаб топганлиги аён бўлади.

14. Apple бюджети АҚШ Молия Вазирлигиникидан кўп.

Apple'да 160 миллиард доллар, вазирликда эса 49 миллиард доллар бор. Айнан шу маблағларни Apple ўзининг янги ҳашаматли кампусини қуришга сарфламоқда.

Ҳусан Қодиров тайёрлади.

ЎҚИНГ: ҚИЗИҚ ВИДЕО: Энг биринчи iPhone’ни энг сўнгги iPhone 11 Pro билан таққослаймиз!

Сайт янгиликларидан доимий хабардор бўлиш учун Телеграм каналимизга қўшилинг!