Apple iMac Pro янги дизайн ҳамда M1 Pro/Max чипига эга бўлади

Apple iMac Pro янги дизайн ҳамда M1 Pro/Max чипига эга бўлади

Apple ўз қурилмаларини аста-секин янгилаб, уларни Apple Silicon оиласининг бир чипли тизимларига ўтказмоқда. Apple Silicon билан жиҳозланувчи компаниянинг навбатдаги қурилмаси iMac Pro бўлади. 

Bloomberg мухбири Марк Гурманнинг янги маълумотларига кўра, янги iMac Pro янгиланган дизайн ва замонавий техник хусусиятларга эга бўлади. Манбанинг ёзишича, 27 дюймли iMac Pro бир чипли M1 тизими билан жиҳозланган 24 дюймли iMac'га ўхшаш дизайнда бўлади.

Қурилма 120Hz тасвирни янгилаш тезлигини қўллаб-қувватлайдиган Mini LED дисплейи билан жиҳозланиши айтилмоқда. 

Қурилмага янги M1 Pro ҳамда M1 Max чиплари ўрнатилади. Аввалроқ ушбу чиплар 14 ва 16 дюймли MacBook Pro моделларига ўрнатилган эди. iMac Pro ҳам худди MacBook Pro ноутбуклари каби 16ГБ тезкор ва 512ГБ SSD хотираси билан жиҳозланади. 

Гарчи Apple томонидан янги iMac Pro модели ҳақида ҳеч қандай расмий хабар бўлмаган бўлса-да, бир неча манбалар қурилма 2022 йилнинг бошида тақдим этилиши ҳақида хабар бермоқда. 

iMac Pro'дан ташқари компания жорий йилда бир қанча янги маҳсулотларни, жумладан AirPods Pro 2, Apple M2 SoC, янги MacBook моделларини тақдим этишни режалаштирмоқда. 

ЎҚИНГ: Хитойлик компания iPhone 13 Pro'нинг орқа панель дизайнини шундоқлигича кўчириб олди 

Сайт янгиликларидан доимий хабардор бўлиш учун Телеграм каналимизга қўшилинг!