Apple: "iOS 12'га янгиланадиган смартфон ва планшетлар"
Кеча, 4 июнь куни АҚШ да Apple компаниясининг дастурчилар ва жамоатчилик учун мўлжалланган анъанавий тақдимоти ўз ишини бошлади. Унинг доирасида янги технологик маҳсулотлар тақдим қилинмоқда. "Олма" корпорацияси тақдимот бошидаёқ қайси смартфон ҳамда планшетлар энг тезкор ҳамда илғор iOS 12 операцион тизимига янгиланиши маълум қилди.
Янги прошивка аввалги талқинлардан анча яхши ҳамда мукаммал тарзда ишлаб чиқилган. Унинг ёрдамида уч йил аввалги iPhone ҳамда iPad қурилмалари ҳам самарали ишлаш кўникмасига эга бўлишади.
Ўқинг: Энг тезкор ва технологик операцион тизим тақдим қилинди
Apple компаниясининг хабар беришича, iOS 11 операцион тизими компания тарихидаги энг муваффақиятли прошивка бўлмади. Шу сабабли ҳам, iOS 12 тизимини ишлаб чиқариш жараёнида компания асосий эътиборни тезкорликка қаратган. Бу эса ўз мевасини берди ҳамда энди бу тизим iPhone 5s моделига ўрнатилса, мазкур эски айфон самарадорлиги ҳам ҳозиргидан 40% га тезлашади. Қурилмалардаги камераларнинг тезкорлиги ҳам 70% га ошиши маълум қилинди. Шу билан бирга, қурилмалардаги клавиатураларнинг тезкорлиги ҳам 50% га ошади.
Шу билан бирга, «Олма» корпорацияси катта ваъда берди ҳамда янги тизим кўп функциялилик режимида иловаларнинг ишга тушишини 2 баробарга тезлаштиришини айтди. Содда тилда айтадиган бўлсак, iOS 12 тезкорлиги барча iPhone ҳамда iPad фойдаланувчиларини хурсанд қилади.
Мазкур янги операцион тизимни айни пайтда iOS 11 тизимида ишлайдиган барча смартфон ҳамда планшетлар қўллаб-қувватлайди. Яъни, айрим моделлар эскирган бўлса ҳам, илғор тизимда ишлайдиган гаджетлар рўйхати каттагина бўлади. Ҳа, бу америкалик ишлаб чиқарувчи томонидан ўз мухлисларига нисбатан катта бағрикенглик!
Ўқинг: Samsung Galaxy S9: “камбағаллар учун” смартфон
iOS 12 тизимига янгилаш мумкин бўлган Apple смартфон ҳамда планшетлари:
iPhone X, iPhone 8, iPhone 8 Plus, iPhone 7, iPhone 7 Plus, iPhone 6, iPhone 6 Plus, iPhone 6s, iPhone 6s Plus, iPhone SE ҳамда iPhone 5s;
iPad Pro 12,9″ (биринчи ва иккинчи авлод), iPad Pro 10,5″, iPad Pro 9,7″, iPad Air 2, iPad Air 1, iPad (бешинчи авлод), iPad (2017), iPad mini 4, iPad mini 3 ҳамда iPad mini 2;
iPod Touch (олтинчи авлод).
