Apple iPhone 7 Google сўровларида энг оммабоп смартфон деб топилди

Google компанияси 2016 йилга тегишли қизиқ статистикаларни чоп этишда давом этмоқда. Ҳозиргача Android‘даги энг оммабоп иловалар ва YouTube видеохостингидаги энг машҳур ўйин трейлерлари эълон қилинган эди. Бу гал эса компания фойдаланувчилар қидирган энг оммабоп гаджетлар рейтингини тақдим қилди.

Phandroid нашрининг ёзишича, жорий йилнинг октябрь ойида намойиш қилинган Nintendo Switch консолини ҳисобга олмаганда, ушбу рўйхатда фақат смартфонлар ўрин олган.

Google тизимида фойдаланувчилар қидирган энг оммабоп гаджетлар рейтингини Apple iPhone 7 бошқармоқда. Иккинчи ўринни эса ҳалигача сотувга чиқарилмаган, аммо Ringing Bells фирмасини жуда яхши реклама қилиб берган 4 долларли Freedom 251 смартфони банд қилган. Қидирув тизимида изланган 9 та энг оммабоп смартфонлардан 5 таси Android платформасида, қолган 4 таси эса iOS дастурида ишлайди. Ўртача нарх сегментига мансуб Samsung Galaxy J7 смартфони кучли ўнликка якун ясаган.

Google тизимида фойдаланувчилар қидирган энг оммабоп гаджетлар рўйхати:

1. iPhone 7;
2. Freedom 251;
3. iPhone SE;
4. iPhone 6S;
5. Google Pixel;
6. Samsung Galaxy S7;
7. iPhone 7 Plus;
8. Samsung Galaxy Note 7;
9. Nintendo Switch;
10. Samsung Galaxy J7.