Apple iPhone 8 смартфонига LG фирмасининг 3D-камераларини ўрнатмоқчи
АҚШнинг Apple компанияси ўз смартфонларига LG Innotek компанияси томонидан тайёрланган 3D-камераларни қўллаш имкониятини ўрганмоқда, деб хабар бермоқда The Korea Economic Daily.
Манбанинг ёзишича, Apple ва LG ҳамкорликда 3D фотография функциясига эга камераларни такомиллаштириш устида иш олиб бормоқда. Apple компанияси, шу билан бирга, 2015 йилда 3D-камера технологияси билан шуғулланган Исроилнинг LinX стартапини 20 млн долларга харид қилган эди. Ушбу факт “Олма”нинг мазкур лойиҳага катта қизиқиш билдирганини исботлайди. Бундай 3D функцияли қўш камералар, тахминларга кўра, 2017 йилнинг иккинчи ярмидан бошлаб Apple қурилмаларида пайдо бўлиши мумкин.
Шунингдек, 2017 йилда iPhone чиқарилганига ўн йил тўлиши муносабати билан Apple смартфонларининг дизайнига жиддий ўзгаритириш қилиши кутилмоқда.
