Apple iPhone SE 2 (2018): энг сўнгги ишончли тафсилотлар
Apple iPhone SE 2 (2018) смартфони бугун энг кўп гапирилаётган ва кутилаётган смартфон моделларидан бири. Бу телефон хусусида айни пайтда кўплаб маълумотлар мавжуд. Жумладан, унинг жиҳатлари ва тақдимот куни ҳам ҳозирданоқ "башорат" қилинган.
Мисол учун, кимдир бу телефон аппаратининг март ойида тақдим қилинишини айтса, бошқа биров унинг 2016 йилдаги моделдан фарқ қилмаслигини гапирмоқда.
Сўнгги ишончли маълумотларни таҳлил қиладиган бўлсак, йилнинг энг ихчам флагмани бўлиши кутилаётган мазкур модел компания ҳар йили баҳорда, яъни 21 мартда ўтказадиган WWDC 2018 анжуманида илк марта намойиш қилинади.
Хитойнинг таниқли QQ ресурси куни кеча смартфонга хос жиҳатлар ўрин олган янги маълумотларни тақдим қилди.
Унга кўра iPhone SE 2 (2018) смартфони Apple компанияси томонидан 2018 йилнинг биринчи ярим йиллигида, яъни шу йилнинг ёзига қадар тақдим қилинади ва шу даврда, аниқроғи 1 июлга қадар бозорга чиқарилади.
Apple iPhone SE 2 (2018) смартфони 4,2 дюймли IPS-экран, 4 ядроли A10 Fusion (iPhone 7 каби) процессори, 2 ГБ оператив хотира ҳамда 32/128 ГБ доимий хотира билан таъминланади.
Apple iPhone SE 2 (2018) смартфонида iPhone 6s каби иккинчи авлод Touch ID бармоқ изи сканеридан фойдаланилади. Шу билан бирга, мазкур янги моделда 12 мегапикселли бош ҳамда 7 мегапикселли аниқлигида сурат олувчи олд камера модуллари бўлади.
Apple iPhone SE 2 (2018) смартфони Wi-Fi 802.11ac, Bluetooth 5.0, 4G, (VoLTE), NFC (Apple Pay учун), A-GPS, BDS ҳамда ГЛОНАСС каби модул ва сенсорларга эга бўлади. Шунингдек, бу моделга Power Delivery (PD) деб ном олган тезкор қувватлаш технологиясини қўллаб-қувватлайдиган Lightning порти ўрнатилган.
Бир неча ҳафта ишончли маълумотлари билан ном қозонган таҳлилчи Мин-Чи Куо ҳам iPhone SE 2 модели хусусида тўхталиб, смартфоннинг 2018 йилда ишлаб чиқарилишини, унинг ташқи кўриниши 2018 йилги моделдан фарқ қилмаслигини маълум қилган эди.
Инсайдернинг фикрича, 2018 йилдаги модел аввалгисидан фақатгина техник жиҳатдан фарқ қилади. Бу эса янги айфоннинг янада тезкор ишлашига хизмат қилади.
Экспертнинг сўзларига кўра, ҳозирги вақтда «олма» корпорацияси 3 та iPhone смартфонлари устида ишламоқда. Шу сабабли, компания 4 дюймли телефон дизайнини такомиллаштириш учун вақт ажрата олмайди
Бир муддат аввал iPhone SE 2 (2018) смартфонининг ромсиз экран ҳамда Face ID технологиясига эга бўлгани акс этган видео ҳамда суратлар тарқалган эди. Афтидан, ихчам айфон бу жиҳатларга эга бўлмайди.
