Apple келажак iPhone’лари учун 5G-модемларни АҚШнинг душманидан олмоқчи!
Apple корпорацияси бешинчи авлод уяли алоқа тармоғида ишлайдиган смартфон чиқаришни режалаштирган, аммо улар учун 5G-модемларни кимдан олишни билмаяпти. Купертиноликлар билан судлашиб юрган Qualcomm унга Snapdragon X55 чипини сотмаслиги маълум, Samsung эса модемларини ўзининг Galaxy S10 5G суперфлагманидан орттира олмаслигини айтган.
ЎҚИНГ: Энг катта ва тезкор флагман, аммо энг қиммати эмас: Galaxy S10 5G нархи аниқ бўлди!
Лекин Apple бу борада ечим топган кўринади: Engadget нашрининг ёзишича, Huawei компанияси купертиноликларга 5G-модем етказиб беришга тайёр. Қизиғи шундаки, хитойлик техногигант шу пайтгача ўз чипларини бирорта компанияга сотмасдан, фақат ўз қурилмаларида қўллаб келмоқда.
Engadget’нинг ўз манбасига таяниб маълум қилишича, Huawei эндиликда ўз стратегиясини ўзгартирган – у Balong 5000 русумли 5G-модемларини сотишга рози, лекин фақатгина Apple’га модем етказиб бериши мумкин. Афсуски, хитойлик техногигантнинг АҚШ ҳукумати билан ўзаро келишмовчиликлари сабабли, бу ҳамкорлик ҳам сўроқ остида турибди. Ким билади, ҳали бешинчи авлод уяли алоқа тармоғида ишловчи айфонлар ишлаб чиқариладиган вақтгача Трамп ҳукумати билан Huawei ярашиб ҳам олишар.
Эслатиб ўтамиз, Balong 5000 модеми рекорд даражада тезкорлик намойиш этган бўлиб, компания уни Huawei Mate X буклама смартфонида ҳамда Mate 20X флагманининг махсус версиясида қолламоқда.
ЎҚИНГ: Ҳали 5G тармоғи жорий этилмай туриб, LG аллақачон 6G-интернет устида ишламоқда!
