Apple кейинги йилдан филм ишлаб чиқаради!

Apple кейинги йилдан филм ишлаб чиқаради!

Apple бадиий филмлар яратиш учун кўнгилочар А24 компанияси билан узоқ йиллик шарнтома имзолади. Бу ҳақда CNBC хабар бермоқда.

Apple фойдаланувчилари келгуси йилдан ўз гаджетларида бепул кино ва телекўрсатувлар кўришни бошлайди. CNBC ушбу акция мижозларнинг компания қурилмаларидан доимий фойдаланишларини мустаҳкамлаш стратегияси бўлиши мумкинлигини таъкидламоқда.

Маълумот ўрнида айтиш керакки, А24 кино ва телевизион дастурларни ишлаб чиқаришга ихтисослашган Америка компаниясидир.

А24’нинг бир нечта филмлари Оскар, Олтин Глобус ва бошқа нуфузли мукофотларга сазовор бўлган.

ЎҚИНГ: Apple шу ойдаёқ янги гаджетини тақдим этади – бунинг расмий исботи чиқди

Шунингдек, бу йил Apple Америка телеканали ходими Опра Уинфри билан кўп йиллик шартнома имзолаганини эълон қилган эди. У компания учун креатив видео лойиҳаларни яратиш устида ишлаши кўзда тутилмоқда.

The Wall Street Journal нашрининг фикрига кўра,  Apple Netflix  ва Amazon Prime Video билан  рақобатлашмоқчи. Бундан ташқари, компания Риз Уизерспун, Кристен Уиг каби таниқли актрисалар ҳамда режиссёрлар Джей Абрамсом ва М. Найт Шьямаланом билан ҳамкорликни йўлга қўйган.
Балки Apple медиа бозорида ҳам ўзини синаб кўриш истагидадир. Балки ростдан ҳам мижозлари учун янги қулайликлар яратиш мақсадида. Буни вақт кўрсатади. Демак, келгуси йил Apple’дан бадиий филмларни кутиб қоламиз.

ЎҚИНГ: Xiaomi энг арзон ноутбуки ва Apple AirPods «кушанда»сини тақдим этди

Хабарларни тез ва осон ўқиш учун Андроид иловамизни сақлаб олинг.