Apple кейинги йилдан Samsung билан ҳамкорлик қилади!
Samsung ва ниҳоят Apple'ни Y-OCTA LED панелларидан фойдаланишга ишонтира олган кўринади.
Ўтган йили, 2019 йилги iPhoneларга Samsung'нинг OLED панеллари қўйилиши ҳақида миш-мишлар тарқалган эди, лекин негадир бундан бўлмади. Энди эса ETNews хабарига кўра, Samsung 5.4 ва 6.7" дисплейли iPhone'лар учун эксклюзив OLED панелларини етказиб беради.
Y-OCTA технологиясидаи OLED панелларнинг ўзида сенсор бўлади, шунинг учун алоҳида сенсор қатлами талаб қилимайди. Бу эса, ўз навбатида, дисплей панелини ингичкалаштиради ва ишлаб чиқариш нархларини арзонлаштиради.
ETNews хабарига кўра, Apple талаб қилган миқдордаги панелларни таъминлаб бера оладиган ягона компания Samsung'дир. Аслида, келишув илгарироқ амалга ошмаганлигининг сабаби даромад билан боғлиқ бўлиши мумкин - 2018 йилги iPhone'ларда ҳам Y-OCTA ишлатилиши ҳақида миш-мишлар тарқалган эди, аммо Купертинодагилар бундан келадиган даромаддан мамнун бўлмаганлиги сабабли шартнома имзоланмаганди.
Нима бўлган тақдирда ҳам, Apple кейинги йили иккита: 4,7" LCD панелли iPhone SE 2 ва 6,1" OLED панелли iPhone 12 (Pro'си эмас) смартфонини тақдим қилади.
Apple iPhone 12 (Pro эмас) учун OLED панелларини Samsung ва LG'дан олади.
Samsung'нинг ўзи Galaxy Note 7'дан бошлаб Y-OCTA панелларини ўз телефонларида ишлатиб келмоқда. Шунингдек, Galaxy S8'га ҳам Y-OCTA панель ўрнатилган, бироқ S8+ да эски панеллардан фойдаланилган.
ЎҚИНГ: ДИҚҚАТ: Яп-янги iPhone’ни ҳам дўконнинг ўзидаёқ қадоғини очиб текшириб олинг!
