Apple компанияси iOS 10 ва macOS Sierra`нинг оммавий синови учун рухсат берди

Apple компанияси iOS 10 ва macOS Sierra`нинг оммавий синови учун рухсат берди

Apple компанияси iOS 10 ва macOS Sierra`нинг бета-версиясини рўйхатдан ўтган фойдаланувчилар ўз қурилмаларида синаб кўришлари мумкинлиги ҳақида хабар берди. Бу дегани энди янги операцион тизимни расман эълон қилингунига қадар юклаб олиб, ўз қурилмаларида ишлатиб кўришлари мумкин.

Эслатиб ўтамиз, macOS Sierra`ни iMac`нинг 2009 йилдагидан ёки янгиларига, MacBook`га 2009 йилдагисига ёки янгироғи, шунингдек MacBook Pro, MacBook Air, Mac Mini ва Mac Pro қурилмаларининг 2010 йилдагиси ва янгиларига ўрнатиш мумкин. iOS 10 операцион тизимини эса iPhone 5, iPod touch қурилмасининг 6-авлоди, iPad mini 2 ва iPad 4`га ўрнатиш имкони мавжуд.

Қайд этиш керакки, Apple компаниясининг янги iOS 10 ва macOS Sierra тизими бета версияда ва шу боис ишлашда маълум ноқисликлар бўлиши мумкин. Мутахассислар эса “тишлангани олма” ишқибозларига янги операцион тизимни расмий тақдимотдан сўнг юклаб олишни тавсия қилмоқда.

Манба: 4pda.ru

Сайт янгиликларидан доимий хабардор бўлиш учун Телеграм каналимизга қўшилинг!