Apple компанияси iPhone телефонини ҳимояловчи механизм ихтиросини патентлади
Машҳур Apple бредни iPhone ерга тушиб кетганда экранни ҳимояловчи махсус механизм учун патент олди, деб хабар берди АҚШ патентлар бюроси расмий сайти.
Лойиҳага кўра, смартфон юзасига махсус жажжи йиғма “оёқчалар” ўрнатилади. Ерга қулаш чоғида улар автоматик тарзда очилади ва аппарат экранини асраб қолади.
Технология iPhone`нинг кейинги “авлодлари”да қўлланиладими-йўқми, ҳозирча бунга аниқлик киритилмаган. Чунки мазкур ихтиро ҳам смартфонни экстремал ҳолатда тўлиқ ҳимоялай олмайди.
Business Insider нашрининг ёзишича, Apple компанияси фақат маркетинг мақсадларини кўзлаган ҳолда мазкур лойиҳада қатнашган.
