Apple кутилмаганда iPhone 8 Plus ишлаб чиқарилишини тўхтатди

  •   DiMaX
  •  1180
  •  15.03.2018 15:16

Apple кутилмаганда iPhone 8 Plus ишлаб чиқарилишини тўхтатди

Боягина MacRumors нашрида эълон қилинган хабарга кўра, Хитойдаги Wistron заводининг фаолияти тўхтатилган. Бу корхона Apple корпорациясининг iPhone 8 Plus смартфонларини ишлаб чиқариш билан шуғулланади.

ЎҚИНГ: iPhone X ва Galaxy S9+’нинг самарадорлик бўйича «жонли» беллашуви: кутилмаган натижа!

«Chinese-language Commercial Times» газетасида хабар қилинишича, фаолиятининг тўхтатилишига мазкур заводда «рухсат этилмаган бутловчи қисмлар»дан фойдаланилганлиги сабаб бўлган. Купертинолик гигант бу ҳамкори iPhone 8 Plus смартфонларини ясашда Apple сертификатига эга бўлмаган қисмлардан фойдаланган, дея гумон қилмоқда. Шу масалага ойдинлик киритиш учун завод фаолияти икки ҳафта муддатга тўхтатилган.

Маълум қилинишича, шундан кейин Wistron яна буюртмачининг ишончини қозониш мақсадида бир нечта масъул раҳбарларга жарима солган. Гарчи компания вазиятни изоҳлашдан бош тортган эса-да, Wistron акциялари 5 фоиздан ортиқ кўрсаткичга тушиб кетган.

Айтиш керакки, Apple учун iPhone 8 Plus етказиб беришда Wistron заводи нисбатан кам улушга эга, бу моделнинг 80 фоизини Foxconn етказиб беради. Бироқ Wistron айфонларнинг Ҳиндистондаги асосий ишлаб чиқарувчиси ҳисобланади.

Воқеалар ривожини бирга кузатамиз, биздан узоқлашманг.

ЎҚИНГ: iPhone X ва бошқа Apple смартфонларининг нархлари (2018 йил 14 март)

Хабарларни тез ва осон ўқиш учун Андроид иловамизни сақлаб олинг.