Apple кутилмаганда iPhone’лар эгаларини муҳим бир имкониятдан маҳрум этди

  •   DiMaX
  •  742
  •  02.04.2020 14:01

Apple кутилмаганда iPhone’лар эгаларини муҳим бир имкониятдан маҳрум этди

Купертинолик техногигант яқинда ўз смартфонлари учун iOS 13.4 талқинидаги прошивкани тарқата бошлаган эди. Аммо уни ўрнатиб олган турли русумлардаги iPhone’лар фойдаланувчилари битта муаммодан шикоят қилишмоқда.

ЎҚИНГ: iPhone 11 Pro ҳамда iPhone 11 Pro Max ишончни оқлай олмади!

Муаммо Apple’нинг видеоқўнғироқлар иловаси – FaceTime дастурида кузатилмоқда. iOS 13.4’гача янгиланган айфонлар эгалари ушбу мессенжер орқали iOS 9.3.6 ва ундан олдинги версияларда ишловчи iPhone’ларга қўнғироқ қила олишмаяпти.

Ўтган ҳафта чиққан macOS 10.15.3 прошивкаси ўрнатилган Mac компьютерларида ҳам худди шундай муаммо кузатилмоқда – улардан iPhone’га қўнғироқ қилиб бўлмаяпти.

Ижтимоий тармоқларда ва форумларда айфон фойдаланувчилари мазкур муаммодан нолиб ёзишмоқда. Apple эса ҳозирча бунга бирор муносабат билдирмаяпти. Шу боисдан тушуниш қийин бўляпти: эски прошивкалардаги айфонларга қўнғироқ қилиб бўлмаслиги – шунчаки дастурий таъминотдаги хатоликми, ёки Apple’нинг ўзи атайлаб FaceTime орқали эски смартфонларига қўнғироқ қилишни чеклаганми?

Ҳозирча FaceTime иловасидаги муаммони ҳал этишнинг ягона ечими смартфон прошивкасини iOS 13.3.1 талқинига қайтариш бўлиб турибди.

ЎҚИНГ: Ниҳоят, Apple расмий сайтига iPhone 9 чиқди: кутилганидан анча қиммат!

Сайтимизнинг энг чиройли расмларини Инстаграмдаги саҳифамизда томоша қилинг!