Apple кузда тақдим қилиши кутилаётган қурилмалар рўйхати

Apple кузда тақдим қилиши кутилаётган қурилмалар рўйхати

Apple яқинда ўзининг бу йилги WWDC тадбирини ўтказди ва шуниси аниқки, бу компаниянинг жорий йилдаги охирги тадбири эмас. Купертиноликлар келаётган куз фаслида ўзларинг яна бир тадбирларини, бўлганда ҳам энг каттасини ўтказишлари керак. Албатта, компания WWDC 2022 даги янги хусусиятларга операцион тизимларни бегоналар учун тақдим қилмаган. Улар катта эҳтимол билан навбатдаги тақдимотда чиқарилиши кутилаётган қурилмалар билан келиши кутилмоқда.

Bloomberg нашридан таниқли Apple таҳлилчиси, Марк Гурманнинг хабар беришича, Apple сентабрдаги тақдимотига тўртта моделдаги iPhone, учта вариантдаги Apple Watch, М2 ва М3 чиплари билан бир нечта Маc қурилмалари, паст ва юқори даражадаги iPad'лар, янгиланган AirPods Pro қулоқчинлари, яхшиланган Apple ТV ва янги HomePod қурилмасини тақдим қилишни режалаштирган.

Бу йилги iPhone компаниянинг ўн тўртинчи авлод мобил қурилмаси бўлиб, у тўрт хил моделда чиқарилиши аллақачон маълум бўлган эди: iPhone 14, iPhone 14 Pro, iPhone 14 Мах, iPhone 14 Pro Мах ва улар iOS 16 билан чиқарилади.

USB-C портига эга iPhone ҳали бери чиқариладиганга ўхшамайди, лекин сентабрда чиқарилиши кутилаётган А14 чипига эга пастроқ даражадаги iPad ана шундай порт билан жиҳозланаши айтилмоқда. Шунингдек, Apple 11 дюймли ва 12.9 дюймли, М2 чипига эга iPad Pro планшетларини ҳам тақдим қилиши мумкин.

WWDC 2022 да тақдим қилинган М2 чипи Apple'нинг янги компютерларининг ядроси ҳамдир. Шундай қилиб, компания бўлажак тадбирда М2 ва М2 Pro чипига эга Маc mini, М2 Pro ва М2 Мах билан 14 дюйм ва 16 дюймли MacBook Pro ноутбуклари, М2 Ultra ва М2 Extreme билан Маc Pro компютерларини чиқариши мумкин.

Apple Watch ақлли соатларига келадиган бўлсак, компания бу йил уч хил вариантдаги соатларни тайёрламоқда: паст даражали SE соатлари, Watch 8 серияси ва экстремал спорт учун кучли ташқи ҳимояга эга соат.

Гарчи Apple ўзининг WWDC тадбирида телевизор учун операцион тизим ҳақида гапирмаган бўлса ҳам, Гурманнинг айтишича компания J255 код номли Apple TV ва B620 код номли HomePod қурилма устида ишламоқда. Шунингдек, AirPods Pro қулоқчинларининг янгиланган вариантининг тақдим қилиниши эҳтимолдан ҳоли эмас.

Миш-мишларга кўра, Apple'нинг куздаги энг катта тадбири сентабрнинг 13 санасида ўтказилиши мумкин.

ЎҚИНГ: AirPods 2 Pro янгича функцияларга эга бўлади.

 
 
 
 
Terabayt.uz сайтининг видеолари: Youtube'даги каналимизда!