Apple, LG ва Sharp биргалашиб, Samsung’нинг «оёғига болта уришмоқчи»!

Купертинолик гигант iPhone’лар учун OLED-дисплейларни асосан ўзининг «ашаддий рақиби» – Samsung компаниясидан олади. Манбаларнинг хабар беришича, америкаликлар бу борада энди Sharp билан ҳам ҳамкорлик қилишмоқчи.

ЎҚИНГ: iPhone Xs ва Xs Plus тақдимотига тайёргарликни Samsung май ойиданоқ бошлайди

Хабарларга кўра, Apple кейинги йилданоқ OLED-экранлар учун Sharp компаниясига буюртма беради. Ўтган ҳафтада Sharp ижрочи директори Кацуаки Номура (Katsuaki Nomura), компания бошқа смартфонсозлар учун ҳам OLED панеллар етказиб беришни бошлашини маълум қилганди. Унинг сўзларига кўра, бу маҳсулотларни оммавий ишлаб чиқариш июндаёқ бошланган.

Айтиш керакки, LG компанияси ҳам бу йил iPhone’лар учун купертинолик гигантга 3 миллиондан 5 миллионгача OLED-дисплей етказиб беради. Лекин бу борада Aplle буюртмаларининг каттасини барибир Samsung олади.

Кузатувчиларнинг фикрича, дисплей етказиб берувчилар сафига япон компаниясининг қўшилиши Apple’нинг жанубий кореялик техногигантга боғлиқлик даражасини камайтиради. Натижада эса, рақобатчиларидан қолишмаслик учун Samsung ўз маҳсулотлари нархларини пасайтиришга мажбур бўлиши мумкин.

ЎҚИНГ: LG Display LCD ва OLED дисплейларини ишлаб чиқаради: махсус iPhone учун