Apple Mac Pro ростдан ҳам қирғич бўла оладими?

Apple Mac Pro ростдан ҳам қирғич бўла оладими?

Бироз вақт аввал Apple компанияси дизайни ижтимоий тармоқларда кўплаб ҳазилларга сабабчи бўлган Mac Pro нинг янги авлод вакилини тақдим қилган эди. Янги қурилма WWDC 2019 кўргазмаси доирасида кўрсатилган. Топ хусусиятларга эга бўлган Mac Pro компьютери ишлаб чиқарувчи томонидан 6000 долларга баҳоланган.

Кўпчилик компьютер дизайнини ошхона қирғичига ўхшатган. Швеция бренди IKEA ҳам бу борада ўз ҳазилини намоён қилди ва олма учун қирғични сотувга чиқарди.

Блогер Уинстон Мой эса кўплаб ҳазилларни текшириб кўришга қарор қилди ва Apple компьютерини қирғич сифатида ишлатиб кўришга қарор қилди. Блогерда янги Mac Pro сотиб олиш учун шароит йўқлиги туфайли, металл ёрдамида компьютер юза қисмининг аналогини яратди. Шунингдек, тажриба учун у қаттиқ бўлмаган навдаги пишлоқдан фойдаланди.

Тест натижаларидан кўриш мумкинки, Mac Pro қирғич вазифасини бажара олмас экан. Бу тажриба муаллифини озгина тушкунликка туширди, зеро у ишлаб чиқарувчи майда деталларга ҳам аҳамият берган деб ўйлаган эди.

ЎҚИНГ: Apple iOS 13 операцион тизими тақдим этилди – янги имкониятлар билан танишинг!

Сайт янгиликларидан доимий хабардор бўлиш учун Телеграм каналимизга қўшилинг!