Apple MacBook’нинг янгиланган талқинини намойиш қилди

Apple MacBook’нинг янгиланган талқинини намойиш қилди

19 апрель куни Apple компанияси 2015 йилнинг март ойида тақдим қилинган 12 дюймли MacBook’нинг янгиланган талқинини намойиш қилди.

Янги талқин тезкор фаолият кўрсатиш қобилияти, қўшимча қувват манбаи билан таъминланган ҳамда янги қурилма корпуси оч пушти рангда. Янги талқиндаги MacBook қуйидаги ўзгаришларга эга бўлди:

– Intel Core M процессори ўрнатилди ва ишлаш самарадорлиги ошди;

– Янги Intel график-тасвир процессори тасвир намойишини олдингига қараганда 25 фоизга тезроқ амалга оширади;

– Янги талқин тезкор флэш-хотирага эга бўлди;

– Бир вақтнинг ўзида бир нечта жараён ёки амални қилиш мумкин бўлган, яъни мультитаскинг учун мўлжалланган тезкор хотира билан таъминланди;

– Бир соатлик қўшимча қувват оли имконига эга аккумулятор.

– Янги талқин оч пушти ёки оч тилларанг корпусга эга бўлди.

Компаниянинг маълум қилишича, 12 дюймли MacBook қурилмаси Mac туркумидаги ноутбуклар ичида энг юпқаси бўлиб, фойдаланувчилар энди унинг ички имкониятларини янги технологиядаги жиҳатлар билан алмаштиришлари мумкин бўлди.

Мутахассисларнинг фикрича, Apple тамомила янгича имкониятларга эга MacBook ноутбукини жорий йилнинг июнь ойида ўтказиладиган  Worldwide Developers Conference, яъни халқаро ишлаб чиқарувчилари анжуманида намойиш қилади.