Apple ноқонуний патентдан фойдаланган

Apple ноқонуний патентдан фойдаланган

АҚШда Мэдисон шаҳри суди Apple компаниясини ноқонуний патент ишлатганликда айбдор деб топди. Патент асли Висконсин Университетига тегишли бўлган.

1998 йилда университет талабалари ишлаган ва Wisconsin Alumni Research Foundation (WARF  – Висконсин Университети битирувчилари тадқиқот жамғармаси) хусусий ташкилотига қарашли бўлган патентни суд ҳақиқий ҳисоблайди. Патент технологияси процессор ишини мукаммаллаштириш ва сарфланувчи энергияни тежаш имконини беради. Ишни кўриб чиқиш мобайнида iPhone 5s, 6 ва 6 Plus, ҳамда iPad планшетларининг айрим версияларига ўрнатилган A7, A8 ва A8X процессорлари патентга зидлиги аниқланди.

Компания олдида 862 млн доллар жарима тўлаш хавфи турибди. Агар компания атайлаб бу ишни қилган бўлса, жарима миқдори ортиши мумкин.

Сайтимизнинг энг чиройли расмларини Инстаграмдаги саҳифамизда томоша қилинг!