Apple ўзининг арзончи iPhone'нининг янгиланган версиясини тақдим этишни режаламоқда

Apple ўзининг арзончи iPhone'нининг янгиланган версиясини тақдим этишни режаламоқда

Apple ўзининг арзон бўлган смартфони iPhone SE'нинг янгиланган версиясини чиқариш ниятида. DigiTimes'га кўра, Apple А14 Bionic чипига эга бўлган смартфон келаси йилнинг биринчи ярмида намойиш этилиши кутилмоқда.

ЎҚИНГ: Флагман iPhone рекорд даражада арзонлади

Ўтган ойда Apple таҳлилчиси Минг Чи Куо iPhone SE янгиланган процессор ва 5G тармоғига эга бўлиши ва унинг тақдимоти 2022 йилнинг бошида бўлиб ўтиши ҳақида айтиб ўтган эди. Минг Чи Куонинг айтишича, янги iPhone 5G тармоғини қўллаб-қувватловчи энг арзон смартфон бўлади. Бу йўл билан Apple 5G смартфонлар бозорида ўз ўрнини мустаҳкамлаб олишига замин яратади.

iPhone SE'нинг биринчи авлоди 2016 йилда чиқарилган бўлиб, у iPhone 5s'нинг такомиллашган версияси бўлган. Apple SE'нинг янгиланган талқинини ўтган йилнинг апрель ойида тақдим этган эди. iPhone SE 2020 олдинги авлодга қараганда каттароқ дисплей, такомиллашган процессор ва камерага эга бўлган. Маълумотларга кўра, янги iPhone SE'га ҳам бир қанча ўзгаришлар киритилади.

iPhone SE 2020 янги Apple смартфонлари орасида Touch ID'га эга бўлган ягона iPhone ҳисобланади. Ушбу Touch ID янги iPhone SE 3'га ҳам ўрнатилади.

ЎҚИНГ: Қайси iPhone'лар энг кўп сотиляпти?

Сайтимизнинг энг чиройли расмларини Инстаграмдаги саҳифамизда томоша қилинг!