Apple қарор қилди: iPhone XI модели «циклоп» дизайнида бўлади!

Купертинолик корпорациянинг навбатдаги айфони дизайни борасида икки вариантдан бирини танлаши мумкинлиги айтилаётган эди. Улардан бирини эълон қилганмиз – уч модулли бош камера квадрат блок ичида жой олади.

ЎҚИНГ: «Уч кўзли» iPhone XI’ни илк видео ва суратларда кўрамиз!

Ҳиндистоннинг Compareraja ресурси ўз манбаларига таяниб маълум қилишича, Apple иккинчи вариантни танлаган. Унда айфоннинг асосий камераси корпус орқа панелининг тепа қисми ўртасида, горизонталига жойланади. Бу эса бир кўзли афсонавий махлуқ – циклопни эслатади.

Шунингдек, манбанинг таъкидлашича, iPhone XI моделида диагоналига 5,8 дюймлик OLED-дисплей сақланиб қолади. Аммо дисплейдаги «кемтик»нинг кичрайиши ҳамда ромларининг юпқалиги эвазига корпуси сал ихчамлашуви кутилмоқда.

ЎҚИНГ: Қайта тикланган iPhone’лар ишончлими? Apple собиқ ходими аниқлик киритади

Булардан ташқари, янги айфон Lightning ўрнига USB Type-C порти ҳамда 4000 мА/соатлик аккумулятор билан жиҳозланади. Аммо Apple’нинг бу йилги смартфонлари ҳали 5G тармоғини қўллаб-қувватламайди.

iPhone XI кумушранг, тилларанг ва кул ранг тусли корпусларда чиқиши кутилмоқда, яна кўк рангда ҳам тақдим этилиши мумкин. Ҳозиргача бозорга чиққан айфонларни эса 2 036 000 сўмдан бошланувчи нархларда Terashop.uz интернет-дўконимиздан харид қилишингиз мумкин.

ЎҚИНГ: Танқидлар иш берди – Apple ғолибларни тақдирлайдиган бўлди. Фототанловда сиз ҳам қатнашинг!