Apple Watch ҳам энди камера ва Face ID’га эга бўлади
Кейинги йилларда тақилувчи девайслар саноати ҳам, бозори ҳам яхши ривожланмоқда. Ишлаб чиқарувчилар ўзларининг «ақлли» соат ва билагузукларига турли янги технологияларни жорий этишаётгани ҳам ижобий ҳолат.
ЎҚИНГ: Қайнонасини ўлдирган келинни Apple Watch фош этди
Apple корпорацияси ўзининг смарт-соати – Apple Watch учун янгича дизайнга патент олди. Энди бу «ақлли» соатлар «кўзли» ҳам бўлади, яъни уларга камера ҳамда эгасининг юзини таниб блокировкани очувчи Face ID тизими жорий этилади.
Аслида, Apple Watch’ларга камера ўрнатилиши ҳақида миш-мишлар ўтган йилнинг октябрь ойиданоқ тарқала бошлаган эди. Бироқ бу ҳақда расмий хабар йўқ эди, энди эса бу технологияга оид патент ҳужжатлари ҳам ошкор бўлди.
Шунда ҳам «тишланган олмали» корпорация Face ID ҳақида аниқ маълумот бермаган. У камерани ҳам «яқинидаги объектларни суратга олиши мумкин бўлган сенсор» тарзида тавсифламоқда. Улар орасида QR-код ҳамда штрихкодларни ўқий олиш функцияси ҳам бор.
ЎҚИНГ: Apple Watch’дан уч карра арзон, 45 кун автоном ишлайдиган смарт-соат тақдим этилди
Шунингдек, патент аризасида «ақлли» соат эгасини суратга олиши ҳам мумкинлиги эслаб ўтилган. Афтидан, муҳандислар бу ўринда Face ID юзни таниб олиш тизимини назарда тутишмоқда. У эса смарт-соатни қулфдан чиқариш ҳамда Apple Pay орқали харидларни амалга оширишда тўлов қилишда қўлланади.
Табиийки, бу ерда iPhone X’даги каби тўлақонли TrueDepth камерасини кутиш ноўрин. Дастлаб Apple Watch’ларга ихчам ва кам функцияли камера ўрнатилади. Эҳтимол, келажакда – кейинги авлод «ақлли» соатларда у дисплей остига ўрнатилиши ҳамда вақти келиб, ҳозирги смартфон ва компьютерлардаги олд камералар даражасига ўсиб чиқиши мумкин. Бу эса купертинолик гигантнинг смарт-соатларига сифатли фотосуратлар тушириш имконини беради.
Хабарга кўра, патент аризаси 2017 йилнинг учинчи чорагида берилган экан. Табиийки, Apple Watch’ларга камералар жорий этилишининг аниқ санаси ҳозирча маълум эмас.
ЎҚИНГ: Энг қиммат Apple Watch ҳам уддалай олмаган ишга қодир Haier Asu смарт-соати тақдим этилди
