Apple Xiaomi'ни суд залига чақиради
Куни кеча Xiaomi тақдим қилган Mi8 флагмани барча экспертлар томонидан iPhone X моделининг энг яхши нусхаси сифатида эътироф этилди. Кўпчилик эса "хитойлик Apple"ни очиқчасига "савалаб", Xiaomi Mi8'ни "тасаввурсиз туғилган" гаджет эканини айтмоқда.
Хитойлик флагманга бир қараганда унинг ишлаб чиқарувчиси қайси флагмандан илҳом олганини айтиш қийин эмас. Устига-устак, Xiaomi Mi8 SE моделида тақдим қилинган 3D ўлчамда қиёфани сканер қилиш технологиясининг ҳам «Face ID» дея ўзгаришсиз номлангани янада ҳайратланарли.
Хитойлик корпорациянинг бундай "муомаласи" Купертинода меҳнат қилаётган дастурчиларнинг сочини тикка қилгани аниқ. Xiaomi компаниясининг бундай хатти-ҳаракатини оқлаш қийин. Жаҳонда муаллифлик ҳуқуқига эътибор беришда америкаликларга етадигани йўқ. АҚШ ҳукумати айнан муаллифлик ҳуқуқи бузилгани учун ҳам ZTE, Huawei каби хитойлик ишлаб чиқарувчиларга қарши санкцияларини жорий қилмоқда.
Xiaomi эса жуда хатарли таваккалчиликка қўл урди. Apple ўз нони ва номини осонликча бериб қўймайди. Apple корпорациясининг дастурий таъминот бўйича бош вице-президенти Крейг Федериги ўзининг Twitter тармоғидаги расмий саҳифасида компаниянинг ҳуқуқшунослари Xiaomi Mi8 ҳамда iPhone X ўртасидаги ўхшашлик хусусида ўрганишлар олиб боришмоқда ва тез орада "хитойлик Олма"га қарши "жанг" старт олади.
Ўхшашликлар нимада?
Mi 8’нинг 6.21 дюймли дисплейи юқорисида олд камера ҳамда бошқа сенсорлар учун махсус кемтик жой қолдирилган. Шу билан бирга, смартфон орқа панелидаги бош камера ҳам чап томонда вертикал жойлаштирилган.
Ўқинг: Samsung раҳбари Galaxy Note 9'ни танқид қилди
Нега айнан Xiaomi?
Шу вақтга қадар кўплаб Андроидлар бундай жиҳатни ўзлаштиришди. Уларнинг ҳеч бири Apple'ни чўчитгани йўқ. Бироқ нега айнан Xiaomi унинг нишонига тушди, деган савол туғилади.
Mi 8 ўзидаги кучли Snapdragon 845 процессори, FHD+ (2248 x 1080 пикселли) сиғимли кучли AMOLED экрани, "сунъий ақл"ли 12 мегапикселли бош ҳамда 20 мегапикселли селфи камерали билан диққатни тортади. DxOMark лабораторияси бу камерафоннинг сурат олишига 105 балл қўйган. iPhone X бу борада ортда қолган.
Қолаверса, у Андроидлар орасида илк маротаба юзни уч ўлчамда сканерлаш функциясига эга бўлган.
Apple учун яна ҳам "қўрқинчлироқ" факт шуки, Mi 8 Хитойда $421 (6 ГБ + 64 ГБ) доллардан бошлаб сотувга чиқарилади. Яъни, унинг флагманидан бир неча баробар арзон.
Ўқинг: Кутилмаганда Telegram'дан блокировка олиб ташланди
Айтиш жоизки, Apple бош менежери расмий шахс ҳисобланади. Унинг интернет тармоғидаги ҳар бир сўзлари замирида асос бўлади. Apple компаниясининг Xiaomi брендига қарши бундай кураши хитойлик ишлаб чиқарувчининг нуфузига таъсир қилиши мумкин.
