Apple яна камалакранг логотипни қўллайди

  •   DiMaX
  •  1538
  •  21.02.2018 10:51

Apple яна камалакранг логотипни қўллайди

Купертинолик корпорациянинг илк логотипи 1976 йилда ишлаб чиқилган, унда олма дарахтида ўтирган сэр Исаак Ньютон тасвирланган бўлган. Лого остига «Фақат идрок тафаккурнинг таажжубли денгизида мангу сузади», деган ёзув туширилган. Стив Жобс 1977 йилда Роб Ян исмли дизайнердан соддароқ логотип тайёрлашини сўрайди ва у тишланган олма шаклидаги камалак рангли логотип ясаб беради.

ЎҚИНГ: Apple "олмаси" нега "тишланган"ини кўпчилик билмайди

Олтита рангдан иборат эмблема то 1997 йилгача – биринчи iPhone тақдим этилгунича қўлланган. Кеча маълум бўлишича, Apple яна ўша – камалак рангидаги логотипни қайта рўйхатдан ўтказиш учун ариза берган. Лекин, ҳужжатда ёзилишича, бу логотип техник қурилмаларда пайдо бўлмайди. У турли аксессуарлар ва кийимларда, масалан – шапкалар ва кепкаларда қўлланади.

Phonearena мутахассисларига кўра, Apple рммавий равишда кийим-кечак ишлаб чиқаришга киришмоқчи эмас. Балки, компаниянинг янги кампуси – Apple Park’да сотиладиган сувенир маҳсулотларининг тури ва миқдорини кўпайтиришга ҳаракат қилмоқда. Шунингдек, у ерда камалак рангли логотип туширилган турли кийим-кечак маҳсулотлари ҳам сотилади.

ЎҚИНГ: Apple’нинг унутилган 10 маҳсулоти + бонус

Terabayt.uz сайтининг видеолари: Youtube'даги каналимизда!