Apple янгиланган iMac ҳамда iMac Pro компьютерларини ҳам тақдим қилди!

  •   DiMaX
  •  1039
  •  20.03.2019 11:58

Apple янгиланган iMac ҳамда iMac Pro компьютерларини ҳам тақдим қилди!

Куни кеча купертинолик корпорация кутилмаганда янги iPad mini ва iPad Air планшетларини намойиш этганди. Энди эса у ўзининг iMac компьютерларини ҳам янгилади.

ЎҚИНГ: Apple расман WWDC 2019 конференциясига таклиф этмоқда!

iMac’ларнинг янгиланиши фақат ички хусусиятларига тегишли – дизайн ва дисплей хусусиятлари эски ҳолича қолган. Компьютерларнинг аппарат таъминоти эса кейинги икки йил ичида илк бор ва яхшигина янгиланди.

Хуллас, янги iMac’ларнинг бошланғич – диагоналига 21,5 дюймлик экранли модели Intel Core i5 процессорига эга. Мазкур чипсет 3,0–4,1 ГГц такт частотасида ишловчи олтита ядрони ўз ичига олади. Айни шу процессор 27 дюймлик iMac’нинг бошланғич версиясига ҳам ўрнатилган. Қўшимча тўлов эвазига эса унинг Core i9 (3,6–5,0 ГГц.лик саккизта ядро) процессорли вариантини олиш мумкин бўлади. Шунингдек, 27 дюймлик iMac’нинг «ўртача» версияси 3,1–4,3 ва 3,7–4,6 ГГц.лик Core i5 процессори билан жиҳозланган.

ЎҚИНГ: Чордоқда 30 йил чанг босиб ётган Apple компьютери топилди. Уни ёқиб кўришса...

Мазкур компьютерларда видеони қайта ишлаш учун 4 гигабайт хотирали AMD Radeon Pro Vega 20 ҳамда 8 гигабайт хотирали AMD Radeon Pro Vega 48 чиплари масъул. iMac’ларнинг тезкор хотираси 32 ва 64 гигабайтлик ҳолида сақланиб қолган, аммо уларнинг частотаси энди 2666 МГц.гача оширилган.

«Кичкина» – 21,5 дюймлик экранга эга iMac нархлари 1300 доллардан бошланади, 27 дюймликлари учун эса корпорация камида 1800 доллар сўраяпти.

Булардан ташқари, Apple яна энг илғор – iMac Pro компьютерини ҳам янгиланган талқинда тақдим этди. Уларнинг энг кучлиси энди нақ 256 гигабайтлик тезкор хотирага эга. Янги iMac Pro’ларда графикани қайта ишлаш учун Radeon Pro Vega 64X видеокартаси жавобгар. Моноблок компьютернинг максимал конфигурациядаги варианти нақ 16 700 долларга баҳоланган.

ЎҚИНГ: Apple қайта тикланган iMac Pro’ни сотувга чиқарди

Хабарларни тез ва осон ўқиш учун Андроид иловамизни сақлаб олинг.