Apple янгиланган MacBook Air ҳамда MacBook Pro ноутбукларини тақдим этди – ўзгаришлар катта!

2018 йилнинг 30 октябрида Apple ўзининг анъанавий кузги иккинчи матбуот анжуманини ўтказганди. Унда Apple бир қатор янги гаджетларини, жумладан, янги авлод MacBook Air ноутбукини расман намойиш қилган.

ЎҚИНГ: Адашмас башоратчи Apple бу йил чиқарадиган барча гаджетларни маълум қилди

Куни кеча купертинолик компания ўзининг MacBook Air ва MacBook Pro ноутбуклар туркумини янгилади. MacBook Air ноутбукининг Retina дисплейи энди True Tone технологиясига эга бўлди, MacBook Pro’нинг эса энг арзон версиясида ҳам Touch Bar сенсор панели мавжуд.

2017 йилдан буён янгиланмай келаётган MacBook Pro базавий модели янги талқинда кўплаб ўзгаришлар билан тақдим этилди. Apple унга Touch Bar панелини ҳамда Touch ID бармоқ изи сканерини ўрнатган. Ноутбук True Tone технологиясига эга Retina дисплей ҳамда Apple T2 хавфсизлик чипи билан ҳам таъминланган.

Булардан ташқари, MacBook Pro саккизинчи авлод, тўрт ядроли Core i5 процессорига ўтказилган. Унинг 128 гигабайтлик хотирага эга версияси 1299 доллардан, 256 гигабайтлиги эса 1499 доллардан бошланувчи нархларда сотилади.

True True дисплейига эга MacBook Air ноутбукининг нархи эса 1099 доллардан бошланади.

Айтиш керакки, 2017 йилги, 13,3 дюймлик экранга эга MacBook Air ноутбукини Terashop.uz интернет-дўконимиздан 8 168 000 сўмга сотиб олиш мумкин. Агар бу қимматлик қилса, у ердан турли русумлардаги Asus, Acer, Lenovo, HP ва Dell ноутбукларини 2 075 000 сўмдан бошланган нархларда харид қилиш имкони мавжуд.

ЎҚИНГ: Энг хавфли ноутбукка ҳам харидор топилди – у рекорд нархда сотилди!